باران بارين دێ ده‌سپێكه‌ت
ئەڤرۆ نیوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشەمبی رێکەفتی 2ی ئاداراا 2017ێ ئه‌سمان دێ ب ته‌مامى بيته ئه‌ور و باران باريت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو ژ ئەنجامێ بەردەوامیا فشارێن نزمێن ده‌ريا سۆر و كارتێكرنا لاوازيا فشارێن نزمێن ده‌ريا ناڤه‌راست دھێتە پێشبینیکرن ئەسمان ژ ئه‌وره‌كێ ناڤه‌ندى بۆ ئه‌وره‌كێ ته‌مام بهێته گوهۆڕين و بارانه‌كا كێم ب باريت و ل هنده‌ك ده‌ڤه‌ران ئه‌و باران دێ زێده‌تر بيت ب تايبه‌ت ل ده‌ڤه‌رێن چيايى.
پشکا پێشبینیان دایە زایە زانین کو دێ ئاراستێ بای ژی دێ باکوورێ رۆژھەلات بیت ب رەنگەکی د ناڤبەرا 10 ھەتا 20کم دا و ماوێ دیتنێ ژی دێ د ناڤبەرا 7 بۆ 8کم دا بیت، پلێن گەرمێ ژی دێ د ناڤبەرا 7 بۆ 14 پلان دا بن.
رێڤەبەریا گشتیا کەشناسی و بیڤەلەرزێ ل ھەرێما کوردستانێ ئاماژه بۆ وێ چه‌ندێ ژى كريه كو ل هنده‌ك ده‌ڤه‌ران دێ تۆز ژى هه‌بيت و پلێن گه‌رمێ ژى ب رێژا 5 بۆ 7 پله دێ هێنه خوار.
