بارزانی و عەبادی پەیوەندیەکا تەلەفۆنی ئەنجام دا
ئەڤرۆ نیۆز،زنار تۆڤی:
سەرۆکێ هەرێما کوردستانێ ب تەلەفۆنێ پەیوەندی ب سەرۆک وەزیرێ عێراقێ دکەت.
نڤێسینگەها حەیدەر عەبادی دیارکریە،کو ئەڤرۆ رۆژا شەمبی 10.6.2017 مەسعود بارزانی سەرۆکێ هەرێما کوردستانێ و حەیدەر عەبادی پەیوەندیەکا تەلەفۆنی ئەنجامدایە و د وێ پەیوەندیا تەلەفۆنی دا هەردویان تیشک خستیە سەر پێشهاتێن سیاسی و ئەمنی و ئابووری یێن عێراقێ و هەرێما کوردستانێ.
هەروەسا مەسعود بارزانی و حەیدەر عەبادی بەحسێ بەردەوامیا هەماهەنگیێ کریە دناڤبەرا هێزێن پێشمەرگەی و هێزێن عێراقێ ل شەرێ دژی تیرۆرستێن داعش.
ل دووڤ وێ راگەهاندنا نڤێسینگەها عەبادی، سەرۆکێ هەرێما کوردستانێ و سەرۆک وەزیرێ عێراقێ بەحسێ ڤەگەراندنا سەقامگیریێ بۆ دەڤەرێن رزگارکری ل ژێر دەسهەلاتا داعشێ ژی کریە.
