بارگەكرنا مۆبایلێ ب رێیا ترۆمبێلێ یا ب زیانە
ئەڤرۆ
یا سرۆشتی یە، پتریا خەلكی دزانن كو دشیان دایە مۆبایلا خوە ب رێیا ترۆمبێلێ و هەر جۆرەكێ ترۆمبێلێ ژی بیت بارگە بكەن، بەلێ چو جاران ڤێ رەفتارێ نەكە.
پتریا ترۆمبێلان جهێ یو ئێس بی یێ تێدا و هەكە تێدا ژی نەبیت یا گەرمكرنێ بۆ هەلكرنا جگارێ یان هەر تشتەكی دی بیت یا تێدا هەی یان ئەستریو ل گەل وێ چەندێ د بنیات دا ئەڤە بۆ بارگەكرنا مۆبایلا تە نەهاتینە دروستكرن، هەر چەندە وەكو چارەكا باش ژی دهێنە دیتن بۆ بارگەكرنا مۆبایلێ ل دەمێ پێدڤیاتیێ، ب تایبەت دەما بارگا مۆبایلێ ل خوارێ بیت.
د مێشكێ خوە دا وێ چەندێ بدانە بەرچاڤێن خوە كو ئەو تایبەت بۆ بارگەكرنا مۆبایلێ نەهاتینە چێكرن و ژ بەر هندێ ژی هندەك گەلەك ب خاڤی مۆبایلێ بارگە دكەن. ئەو بۆ كارێن دی وەكو جهێ ئاگری یان دانەكاری یا میوزیكی هاتینە دروستكرن یان بۆ هەر كارەكێ دی بیت، بەلێ بۆ بارگە كرنا مۆبایلێ نەهاتینە چێكرن، سەرەرایی وێ چەندێ كو نها د هندەك ترۆمبێلێن نوو دا جهێن تایبەت بۆ بارگەكرنا مۆبایلێ هاتینە دروستكرن.
ژ لایەكێ دی ڤە، ئەڤ بارگا د ناڤ ترۆمبێلێ دا گەلەك ژ وێ چەندێ كێمترە یا مۆبایلا تە پێدڤی بۆ هەی بۆ بارگەكرنێ، ژ بەر هندێ ژی ب درێژاهیا دەمی ئەڤە دێ كارتێكرنێن گەلەك خراب ل پارتیا مۆبایلێن زێرەك كەت.
د هەمان دەم دا، ئەڤ ئامیرێن هاریكار یێن هاتینە چێكرن ژی نابیت بدانیە سەر بۆ نمۆنە جهێ ئاگری یێ كو بۆ هەلكرنا جگاران هاتیە چێكرن دبیت ئامیرەكی بدانیە سەر و ئەو ئامیرە ل گەل پاتریا مۆبایلا تە نەگۆنجیت و زێدەتر ژ یا پێدڤی هێزا بارگێ بدەتێ و ب هەمان رەنگ كارتێكرنێ ل پاتریێ و هندەك پشكێن دی یێن مۆبایلێ بكەت.
ژ بەر هندێ ژی هەكە جارەكێ تە هزرا خوە كربیت، كا بارگەكرنا مۆبایلێ د ترۆمبێلێ دا دبیتە ئەگەرێ ژناڤچوونا پاتریێ، دێ ب پشت راستی ڤە بێژینە تە بەلێ و كارتێكرنێ ل گەلەك پشكێن دی یێن مۆبایلێ ژی دكەت. جهێ بارگەكرنا مۆبایلێ د ترۆمبێلێ دا نەیێ بنەجهە و نەیێ گۆنجایی یە بۆ بارگەكرنا مۆبایلێ، بۆ نمونە هەكە تو ئامیرەكێ هاتیە دروستكرن ژ بازاری بۆ ڤێ مەرەمێ بكری، دبیت ببیتە ئەگەرێ بلندبوونا پلا گەرماتیا مۆبایلا تە و گەلەك كەرستێن دی ژ ناڤ بچن. ئەڤ چەندە مەترسیە بۆ سەر پاتریا مۆبایلێ و وێ ب خوە ژی، دیسا كارتێكرنێ ل ژیێ ترۆمبێلێ ژی دكەت.
پتریا ئەڤ كەسێن مۆبایلێن خوە ل سەر ترۆمبێلێ بارگە دكەن د جهێ بۆ هەلكرنا ئاگرێ جگارێ دا هاتیە چێكرن بارگە دكەن كو پتریا جاران 12 ڤۆلتە، مۆبایلێن زیرەك ل سەر پێنج ڤۆلتی دهێنە بارگەكرن ب رەنگەكێ گشتی، ژ بەر هندێ ژی هەكە ئەو ئامیرێ بۆ وی جهی هاتیە چێكرن ب رەنگەكێ رێكخستی و باش نەهاتبیتە دروستكرن، دبیت ببیتە ئەگەرێ ژناڤچوونا مۆبایلێ ژ ئەگەرێ گەرمبوونا زێدە گەلەك ژ كەرستێن دی یێن ناڤا مۆبایلێ ژ ناڤ بچن. هندەك دبنە ئەگەرێ هندێ ئامیرێ مۆبایلێ ب ئێكجاری ژ ناڤ بچیت.
ژ بەر هندێ شیرەتا وێ چەندێ ل هەوە دكەین كو د ناڤ ترۆمبێلێ دا مۆبایلێن خوە بارگە نەكەن هەكە بۆ كارەكێ گەلەك گرنگ و پێدڤی نەبیت.
