بارەگەهێن حەشدا شەعبی ل زوممار هاتنە گرتن
لەزگین جوقی:
بەرپرسەكێ پارتی ل ناوچەداریا زوممار دیار كر، بارەگەهێن حەشدا شەعبی یێن بابلیۆن، كو سەر ب رەیان كلدانی ڤەنە ل زوممار نەمان و هەمی بارەگەهێن وان هاتنە گرتن.
حەسەن خەلۆ، بەرپرسێ لژنا پارتی ل زوممار بۆ ئەڤرۆ ئاشكرا كر، سێ بارەگەهێن حەشدا شەعبی یێن بابلیۆن، كو سەر ب رەیان كلدانی ڤەنە ل زوممار هەبوون، نوكە هەر سێ بارەگەهێن وان هاتنە گرتن و گۆت: «حەشدا شەعبی یا بابلیۆن خوە ژ زوممار ڤەكێشا و چ بارەگەهێن حەشدا شەعبی یا بابلیۆن ل ناوچەداریا زوممار نەمان».
گۆتژی: «ئەگەرێن دروست یێن ڤەكێشانا حەشدا شەعبی یا بابلیۆن ل زوممار دیارنینن، لێ ئەگەرێ سەرەكی ئەوە، كو ل هەلبژارتنێن جڤاتێن پارێزگەها حەشدا شەعبی یا بابلیۆن ل زوممار شكەستن ئینا و نەشیا دەنگان ب دەستڤەبینیت».
