بازارێن دناڤ کەمپان ژی دا هاتنە داخستن
ئەڤرۆ نیوز، عەلی حاجی :
رێڤەبەرێ کەمپا چەمشکو ل زاخۆ د داخویانیەکێ دا بۆ ئەڤرۆ نیوز دیار کر، ئەو بریارێن حکومەتا هەرێما کوردستانێ ل دور رێکارێن خوە پاراستنێ ژ ڤایروسێ کورونایێ دناڤ کەمپێن ئاوارەیان دا ل باژێرێ زاخۆ ژی دا هاتینە جێ بەجێ کرن.
زێدەتر مەئمون یەحیا گوت : لدووڤف نووترین بریارا لژنا بلندا روو ب رووبونا ڤایروسێ کورونایێ ل دهوکێ کو هەر بازارەکێ گرتی بیت پێدڤی یە بهێتە دائێخستن،وەکو رێڤەبەریا کەمپێ دگەل دەزگایێن ئەمنیێن کەمپێ و موختارێن دناڤ کەمپێ دا کومبونەک هاتە ئەنجام دان و ل دویف دا بازارەکێ گرتی دناڤ کەمپێ دا کو ژ ٥٠ دوکانان پێک دهات هاتە دائێخستن بۆ دەمەکێ نەدیار ق زێدەباری وێ چەندێ هەر کافی و جوانکاریەکا ئافرەت و زەلامان ژی دناڤ کەمپێ دا هەبیت هاتینە دائێخستن و ئەم پەندین ب هەمی رێنما و بریارێن حکومەتا هەرێما کوردستانێ.
