بازارێ ئۆسیمین گەهشتە 150 ملیۆن یۆرۆیان
گۆلكەرێ خولا ئیتالیا و ستێرێ یانەیا ناپۆلی یێ نێجیری ڤیكتۆر ئۆسیمین ل سێ یانەیێن مەزن یێ داخوازكریە د ڤەگۆهاستنێن ئەڤ سالە دا و نێزكترین یانە پاریس سانجێرمان یا فرەنسی یە ئەوا 120 ملیۆن یۆرۆ وەكو ئۆفەرەكا تایبەت بەردەست كریە.
رۆژنامەڤانێ بەرنیاس فابرێزیۆ رۆمانۆ دیار كر بازارێ ستێرێ ناپۆلی ڤیكتۆر ئۆسیمین ژ 90 ملیۆنان گەهشتیە 150 ملیۆن یۆرۆیان پشتی یانەیا پاریس سانجێرمان ب هێز هاتیە دناڤ ڤەگۆهاستنێن هاڤینی دا و ئۆفەرەكا گران بوها بۆ ستێرێ نێجیری بەردەست كری، هەرچەندە هەر ئێك ژ یانەیا چێلسی و مانچستەر یۆنایتد یێن ئنگلتەرایێ 90 بۆ 100 ملیۆن یۆرۆ بەرهەڤ كرینە لێ ژبەركو گرێبەستا وی دگەل ناپۆلی هەتا 2024ێ یە لەوما یانەیا ئیتالی كۆژمێ 150 ملیۆن یۆرۆی بۆ دەست ژێ بەردانا یاریزانێ ناڤهاتی دانایە، ئەڤ كۆژمە یێ مەزنە لێ سەرۆكێ یانەیا پاریس دیار كریە ئەو دێ دانۆستاندنێ كەن ژبۆ كێمكرنا ئەوێ گرێبەستا هاتیە دیار كرن.
