بازارێ فرۆتنا كه‌ڤالان ل دهۆكێ یێ باشه
دهۆك، زنار تۆڤی:
شێوه‌كار نه‌هلا ئدریس، كو ده‌رچوویا په‌یمانگه‌ها پۆلیته‌كنیكه ل دهۆكێ، د دیداره‌كێ دا بۆ رۆژناما ئه‌ڤرۆ گۆت: د ژیه‌كێ بچووكدا من حه‌ز ل سه‌ر كارێن هونه‌ری هه‌بوو، دقوناغا ناڤنجی دا من گه‌له‌ك حه‌ز دكر كارێ شێوه‌كاری بكه‌م، لێ هنده‌ك ئاسته‌نگ كه‌فتنه دریێا من دا و نه‌شیام به‌ر ب خواندنا هونه‌ری ڤه بچم.
ناڤهاتیێ گۆت: ئه‌ز كارێن ده‌ستی و هونه‌رێ رستنێ دكه‌م، ئانكو ل سه‌ر كولاڤ و جلك و رستكان وێنان چێدكه‌م، من ب فه‌ردیت كاره‌كی بكه‌م ژ یێن شێوه‌كارێن دی یێ جودا بیت، نوكه ئه‌ز وێنان ل سه‌ر جلكان و كولاڤان چێدكه‌م و ب ده‌رزی د درووم و ب شێوێ ئۆنلاین دفرۆشم و ب دیتنا من هونه‌رێ شێوه‌كاری ل دهۆكێ د ئاسته‌كێ بلند دایه، بۆ زانین هه‌تا نوكه من پشكداری د پێشانگه‌هه‌كا هه‌ڤپشكدا كریه، من ل به‌ره پشكداریێ د ئێكا دی ژی دا بكه‌م و من هژماره‌كا كه‌ڤالان فرۆتینه و ب دیتنا من بازارێ فرۆتنا كه‌ڤالان ل دهۆكێ یێ باشه، كارێ ئه‌ز دكه‌م ژناخێ دلێ خوه دروست دكه‌م، دخوازم پشته‌ڤانی ل كارێ من بهێته كرن، چنكو من ژی پشته‌ڤانی ل چه‌ندین كچان كریه ومن نه‌ڤیایه خوه هه‌وجه‌ی كه‌سێ بكه‌م، ئانكو ئه‌ز ب ده‌ستێ خوه بۆ خوه داهاته‌كی په‌دا دكه‌م.
