بازارێ ترۆمبێلێن ئەورۆپی دناڤا پێشانگەهاندا نەمایە
دهۆك، پەروین سەلاح
نوونەرێ خودانێن پێشانگەهێن ترۆمبێلان دیار كر، ئەم داخواز ژ حوكمەتا هەرێما كۆردستانێ دكەین رێیەكا دروست بۆ ڤان جۆرە ترۆمبێلا ببینت و بریارەكا باش بهێتە دان، دڤێت ئەڤ ترۆمبێلە بهێنە ژمارەكرن، چونكە دێ گەلەك كەس ژێ زەرەرمەندبن و گۆت: بازارێ ترۆمبێلا ژ جۆرێ ئەورۆپی د ناڤا پێشانگەهاندا نەمایە و كەس نەشێت كرین و فرۆتنێ پێ بكەت، گەلەك كەس دترسن ژبەر وێ چەندێ پتریا خەلكی پارێن خوە كرینە تێدا.
نوونەرێ خودانێن پێشانگەهێن ترۆمبێلا بو رۆژناما ئەڤرۆ گوت: ئەز ئێك ژ وان كەسێن دناڤا لێژنێ دا بریارەك هاتبوو دان و پتریا پێشانگەهێن ترۆمبێلا هاتبوونە ئاگەداركرن، مە گوتبوویێ كرینێ و فرۆتنێ ب ڤان ترۆمبێلان نەكەن، چونكە بەریا دوو سالا تا سێ سالان ئەڤ جۆرە ترۆمبێلە ب هزارەها ماینە د پێشانگەهان ڤە.
زێدەتر گۆت ژی: بریار بوو پشتی جەژنێ ئەڤ بریارە دەركەڤیت و ئێكسەر پێرابۆنێن رێڤەبەریا هاتن و چوونێ دەركەڤن و ڤان ترۆمبێلان دەستەسەربكەن، ئاشكرا ژی كر: بازارێ ترۆمبێلا ژ جۆرێ ئەورۆپی د ناڤا پێشانگەهاندا نەمایە و كەس نەشێت كرین و فرۆتنێ پێ بكەت، گەلەك كەس دترسن ژبەر وێ چەندێ پتریا خەلكی پارێن خوە كرینە تێدا.
عەبدی گۆت ژی: ئەم داخواز ژ حوكمەتا هەرێما كۆردستانێ دكەین رێیەكا دروست بۆ ڤان جۆرە ترۆمبێلا ببینت و بریارەكا باش بهێتە دان، ئەڤ ترۆمبێلە بهێنە ژمارە كرن، ژبەركو یێن دەستێ هەژاران دا ماین و دا گەلەك كەس زەرەرمە ند نەبن.
