بازاڕێ فرۆشتنا چەکی د دەستێ ئەمریکا و رۆسیا دایە

ئەڤرۆ

سەرجان مەحمود

ناڤەندا ڤه‌کۆلینێن ئاشتی یا ستۆکهۆلمێ راپۆرته‌ک ده‌ربارێ فرۆشتنا چه‌کی و که‌لوپه‌لێن سه‌ربازی دا بەلاڤکر و د راپۆرتێ دا هاتیە دیار کرن ئه‌مریکا، رۆسیا و فره‌نسا چه‌ک و که‌لوپه‌لێن سه‌ربازی دفرۆشنە پڕانیا وەلاتێن جیهانێ، ئه‌مریکا د رێزا یه‌که‌م دایه‌. ل دویڤ راپۆرتا ناڤەندا ئاشتیێ د سالا 2022 دا وه‌لاتێ هه‌ری زێده‌ چەک کڕیه‌ ئوکرانیا یه‌ و ئەگەرێ وێ ژی دیارە، چونکی نها ئۆکرانیا د شەڕەکێ مەزن دایە و پێدڤیا وێ ب چەکی هەیە.
هەمان ناڤەندێ ئەو یەک ژی دیار کریە، کو د ناڤبه‌را سالێن 2018 و 2022 دا ئه‌مریکا د فرۆشتنا چه‌کان دا د رێزا یه‌که‌م دایه‌ و نها 40% بازارا فرۆشتنا چه‌کی د ده‌ستێ ئه‌مریکا دایه‌، رۆسیا ژی د رێزا دویه‌م دایه‌ و 16% بازارا چه‌کان ل ژێر کۆنترۆلا وێ دایه‌. رۆسیا ژ به‌ر شه‌رێ ل گەل ئۆکرانیایێ نها نەشێت وەکو بەرێ چەکان بفرۆشیت، هه‌روه‌سا فره‌نسا ژی د ره‌وشا نها 11% بازارێ چەکی کۆنترۆل کریه‌، سال ب سال ده‌ستێ فره‌نسا د فرۆشتنا چه‌کی دا بهێزتر دبیت.

کۆمێنتا تە