بازرگانێن هه‌رێما كوردستانێ دێ پشكداری كۆنفڕانسه‌كی َوه‌لاتێ هندستانێ بن
هه‌ولێر، قائید میرۆ:
بڕیاره كۆمپانیێن وه‌لاتێ هندستانێ بۆ كاركرنێ بهێنه هه‌رێما كوردستانێ و به‌رپرسێ راگه‌هاندنا ژوورێن بازرگانی و پیشه‌سازیێن هه‌رێما كوردستانێ ژی دبێژیت: بازرگانێن هه‌رێما كوردستانێ هه‌یڤا داهاتی دێ پشكداریێ د كۆنفڕانسه‌كێ بازرگانی دا ل هندستانێ كه‌ن.
كاروان سورچی، به‌رپرسێ راگه‌هاندنا ژوورێن بازرگانی و پیشه‌سازیێن هه‌رێمێ بۆ رۆژناما ئه‌ڤرۆ دیار كر، شانده‌كێ وه‌لاتێ هندستانێ سه‌ره‌دانا ژوورا بازرگانی و پیشه‌سازی كریه ب مه‌ره‌ما خورتكرنا په‌یوه‌ندیێن بازرگانی و پیشه‌سازی د ناڤبه‌را هه‌رێما كوردستانێ و هندستان دا و گۆت: “بڕیاره هه‌یڤا داهاتی كۆنفرانسه‌كێ مه‌زن یێ بازرگانی ل هندستانێ بهێته ئه‌نجامدان و بڕیاره بازرگانێن هه‌رێما كوردستانێ پشكداریێ تێدا بكه‌ن”.
كاروان سورچی گۆتژی: “داخواز ژ كۆمپانیێن هندستانێ هاتیه كرن كو رۆل د بزاڤێن بازرگانی دا دگه‌ل هه‌رێما كوردستانێ هه‌بن و پشكداریێ د پیشانگه‌هێن هه‌رێمێ دا بكه‌ن، چونكو وه‌لاتێ هندستانێ ئێكه ژ وان وه‌لاتێن بهێز یێن بازرگانی ل سه‌ر ئاستێ جیهانێ، ب تایبه‌تی د كه‌رتێ ساخله‌میێ دا وه‌لاته‌كێ پێشكه‌فتیه”.
