بازرگانێن هەولێرێ ژ بەر بلاك فرایدەی ب 13 ملیون دیناران هاتینە سزادان
سولین سلێمان
هەر سال ل دوماهیا مەها ١١ ل هەموو جیهانێ و كوردستانێژی بلاك فرایدەی رێڤەدچیت ، تێدا هەموو خودان كومپانیا و ماركێت و فروشگەهان داشكانێن ب رێژەكا زۆر سەر كالایێن خو دادنێن ، تێدا كریاریژی خو ژبۆ ڤێ رۆژێ ئامادە دكەن، رێڤەبەرێ چاڤدریا بازرگانیا هەولێرێ دبێژیت “گەلەك جهان ڤێ مەرەمێ فێلان ل وەلاتیان دكەن ، لەوما ژبۆ ڤێ چەندێ گەلەك جهان هاتینە سزا دام دایێخستن.
هوگر عەلی رێڤەبەرێ جاڤدێریا بازرگانیا هەولێرێ بۆ رۆژناما ئەڤرۆ گۆت «مە هەلمەتەكا بەرفرەها راگەهاندی دا كو ئەو خودان دوكان و ماركێت نەشێن خەلكی ب مەرەما بلاك فرایدەی ب سەردا ببەن و پێدڤیە خەلك زۆرێ هشیاربیت و گۆت: ئەم ب هووری چاڤدێریا بازاری دكەین و رێ نادەین هیچ جهەك ببیتە ئەگەر بازاری ب مەرەما بلاك فرایدەی خەلكی خاپینن.
ئاماژەكر «پتریا ئەو فروشگەهێن ریكلاما وێ چەندێ دكەن جلێن وانا ماركە و براندن و داشكانا ژ سەدێ ٧٠ و ٨٠ دادنن، لێ ئەو خو بهایێ وانا هێش كێمترە و پێدڤیە خەلك باوەریێ ب ڤێ چەندێ نەكەن، هەر خودان فروشگەهەك ڤان ب مەرەما سەردابرنا خەلكی دێ ب كوژمەكێ پارەی هێتە سزادان، هەر بۆ زانین تنێ ژ بەر ڤێ چەندێ نێزیكی ١١٠ جهێن جودا جودا هاتینە دائێخستن و چەندێن دی ژی هاتینە سزادان كۆ كۆژمێ گشتی دبیتە پتری ١٣ ملیۆن دیناران.
هێشتا گۆت «هەر جهەكێ بڤێت ڤان جۆرە داشكانا بكەت، پێتڤیە بەری وەخت مە ئاگاهدار بكەت و بەری داشكانێ و پشتی داشكانێ لیستێ فرێكەت، پاشی ئەم ب ڤی شێوازێ دێ شێین رێكێ دەینە وان جهان داشكاندنان بكەن».
