بازێ زنارا
مەسعود خالد كۆچەر
جهێ بازا ل ئەڤرازە
خۆ ناهینین ئاستێ نزم
هندی بێژن هندی برێژن
نەشێن دیرۆكا من بدزن
زەرە زێرێ دروست ئەزم
ئەو وەكی ئاسنی درزن
قارەمانی دخوینا مندا
لەو ئەو ژ ترسا دگەڤزن
جهێ بازا ل ئەڤرازە
هەر وەكی بازێ زنارا
ب سەهما خۆ گۆتە مرنێ
كی دێ بۆ تە كەت زێمارا
چو جار ژتە نە ترسامە
ب پرسە ژ جارێن جارا
چ كۆماتە چ سوباتە
بەڤر و دەراڤێن بەرتەنگ
سێگۆشا مرنێ نێ ئەز بووم
بەرامبەر دوژمنێ ب سەنگ
برنۆیا بابێ من دگۆت
قەد من نەهێلە بێ دەنگ
مللەت ل بەندا هەوەیە
مزگینی نەبیت درەنگ
ب پرسە ژ دۆل و نەهالا
ب پرسە ژ وان شەڤ رەشا
داستانێن كۆم دێ بێژن تە
كی ل بەراهیێ دمەشا
ئەو كەسێ مرنا خۆ ڤیای
پێخەمەت وان شۆرەشا
دێ چاوا دەستان ژێ بەردەت
رێباز پیرۆز و گەشە
سەد روح هەبن دێ گۆری كەت
دێ گۆری كەت سەد لەشا.
