باسكێت بۆلا زاخۆ خوه نێزیكی ناسناڤی دكه‌ت
عەلی حاجی:
د داخویانیەکێ دا ئەندامەکێ دەستەیا کارگێریا یانەیا زاخۆ یا وەرزشی بۆ رۆژنامەیا ئەڤرۆ ڕاگەهاند چاڤێ وان ل ناسناڤێ خولا نایابا باسکێت بۆلا کوردستانێ یە و وان دڤێت سێیەم سەرکەڤتن تومار بکەن.
زێدەتر دلژار عەدنان گۆت: د گەرا سێیێ دا ژ خولا نایابا کوردستانێ یا باسکتبولێ ئەم دێ بەرامبەر تیما هێرش یاریێ كه‌ین، د خولێ دا ئەم رێزێ ل هەموو تیمێن پشکدار د گرین ژبەرکو هەموو هیڤیێن ب دەستڤەئینانا خولێ دکەن لێ ئەم دێ بۆ هەموو یاریان ب باشترین شێوە خوە بەرهەڤ کەین ژبەرکو تیمێن باش ژی د ناڤ خولێ دا هەنە، یاریزانێن مە هەموو د ئامادەنە بۆ یاریێ و هەمیان ژی سوز دایە باشترتن ئاست پێشکێش بکەن ژ بۆ هندێ سەرکەڤتنێ تومار بکەن.
ناڤبری گۆت ژی: دەستەیا کارگێریا یانەیێ هەموو پێدڤیێن تیمێ بۆ مە دابین کرینە و پشتەڤانیەکا باش ژی ل تیمێ دکەت پێخەمەتی هندێ بشێن بەردەوامیێ بدەینە ئاست و ئەنجامێن باش د خولێ دا.
بۆ زانین حه‌فت یانه‌یێن كوردستانێ پشكدارن ئه‌و ژی، زاخۆ، ئه‌كاد، هێرش، زانكۆیا سلێمانی، سابیس، ئاسۆ و سۆلاڤا نوو، یاریێن وان ب شێوه‌یێ خول ئێك قۆناغ دهێنه كرن، زاخۆ دو یاری كریینه و سه‌ركه‌فتن ئیناینه ل سه‌ر هه‌ر ئێك ژ سۆلاڤا نوو 70-48 خالان، ل سه‌ر زانكۆیا سلێمانی 20-چنه خالان وه‌كو سه‌ركه‌فتی هاته هژمارتن.
