باسكێت بۆلا زاخۆ دێ پێنگاڤا ئێكێ بۆ ناسناڤێ كۆپا ئیراقێ هاڤێژیت
بریارە ئه‌ڤرۆ رۆژا سێ شه‌مبی تیما باسكێت بۆلا یانه‌یا زاخۆ ل باژێرێ کەرکوکێ ژ ببیته مێڤانا یانه‌یا سۆلاڤا نوو ژ چورچوڤێ قۆناغا ئێكێ ژ یاریێن كۆپا ئیراقێ یا باسکتبولێ بكه‌ت.
ل دۆر دووماهی به‌رهه‌ڤیێن كوڕێن خابووری موراد عەلی یاریزانێ تیما باسکێت بولێ بۆ رۆژناما ئەڤرۆ دیار کر ئەو دێ هەمی شیانان مەزێخن دا کو د ئێکەم یاریا خوە دا ژ جاما ئیراقێ سەرکەڤتنێ ل سەر سولاڤی نوو تومار بکەن.
ناڤبری زێدەتر گۆت ژی: ئێکەم یارییا تیما مە ژ جاما ئیراقێ دێ ژ دەرڤەیی یاریگەها مە بیت هەر چەندە تیما سولاڤی نوو د خولا نایابا ئیراقێ یا باسکت بولێ دا پشکدار نینە لێ تیمەکا ب زەحمەتە و ئەم ژی دێ هەمی شیانێن خوە مەزێخن داکو بشێن ئەنجامەکێ ناش ب دەست خوەڤە بینن و هەمی یاریزانێن مە باش خوە بەرهەڤکرینە ژ بۆ وێ یاریێ و مە ئامادەکاریێن باش کرینە و هەمی یاریزان ژی د ئامادەنە بۆ یاریێ بتنێ جەگەر موراد یێ هنگاڤتی یە و بۆ وێ یاریێ ئامادە نابیت،مە سەرکەڤتن د وێ یاریێ دا دڤێت ژبەرکو مە دڤێت شەری بۆ جاما ئیراقێ یا باسکێت بولێ بکەین و هەمی شیانان ژی ب مەزێخین.
ل دوماهیێ گۆت ژی: مە دەلیڤەیەکا باش هەیە کو بشێن ناسناڤێ جاما ئیراقێ ب دەست خوەڤە بینن و مە باوەرییەکا مەزن ب تیما خوە هەیە کو بشێن ئەنجامێن باش ب دەست خوەڤە بینن.
