باسكێت بۆلا زاخۆ چاڤ ل سه‌ركه‌فتنا 11ێ یه
ئه‌ڤرۆ، قه‌یس وه‌یس
فۆتۆ: ئازاد زووم
دهێته چاڤه‌ڕێ كرن ل ئه‌ینیا بهێت ده‌مژمێر شه‌شی مه‌غره‌ب تیما باسكێت بۆلا یانه‌یا زاخۆ یاریا خوه یا گه‌ڕا 14ێ ژ خولا پلا نایابا ئیراقێ به‌رامبه‌ری یانه‌یا كاره‌با بیت ئه‌وا دێ ل هۆلا گرتیا شه‌عب ل پایته‌ختێ ئیراقێ به‌غدا هێته ئه‌نجامدان.
د یاریا بوری دا كوڕێن باژێرێ زاخۆ شیابوون سه‌ركه‌فتنه‌كا گرنگ ل سه‌ر هه‌ڤڕكا خوه یانه‌یا كه‌رخ یا به‌غدایی بینن ب ئه‌نجامێ 74به‌رامبه‌ر73 خالان، د نوكه دا ب 21ێ خالان دا رێزا پێنجێ دهێت، ژلایێ خوه‌ڤه تیما كاره‌با ب 18 خالان رێزا نه‌هێ دهێت.
ل دۆر به‌رهه‌ڤیێن تیما زاخۆ جوتیار عه‌لی هاریكارێ راهێنه‌ری بۆ رۆژناما ئه‌ڤرۆ دیار كر یاریا بهێت ئێك ژ دیدارێن بهێز و هه‌ڤڕكیه بۆ رێزێن ناڤین و پلێتا قۆناغا پله‌یی ئۆڤ، هه‌تا نوكه ئاستێ یاریزانێن مه ل دووڤ هیڤی و ئۆمێدن مه‌نه سه‌رباری هیڤیێن مه سه‌رێ لیستێ و ناسناڤه لێ ژبه‌ركو شیانێن یاریزانێن مه سنۆردارن به‌رامبه‌ری پیشه‌كارێن ئه‌مریكی و یاریزانێن هه‌لبژارتیێن ئیراقێ چونكو پێكهاتیێ تیما مه ب كومه‌كا یاریزانێن خۆمالینه ئانكو كورێن باژێرێ زاخۆ گه‌شبینن دێ بنه پێكهاتیه‌كێ رێكخستی و بهێز و بوونه جهێ باوه‌ریا كادرێ راهێنانێ و داهاتی باشترین تیم بیت بۆ وه‌رزێ بهێت.
بۆ زانین 13 یانه پشكدار د خولا پلا نایاب دا دكه‌ن تیما نه‌فت ب 27 خالان سه‌رێ لیستێ دهێت، شورته ب 23 خالان و حه‌شد شه‌عبی 22 خالان رێزێن دویێ و سێیێ دهێن.
