باسکێت بۆلا زاخۆ دێ بزاڤێن سه‌ركه‌فتنێ كه‌ت
عەلی حاجی:
د داخویانیەکێ دا سەرپەرشتێ تیما باسکێت بۆلا زاخۆ یا پشکدار د خولا پێشەکارێن ئیراقێ دا بۆ رۆژنامەیا ئەڤرۆ دیار کر یاریا وان بەرامبەر کەرخ ژ یاریێن ب زەحمەتە لێ چوونا وان بۆ بەغدا بۆ سەرکەڤتنێ یە.
زێدەتر دلژار عەدنان گۆت: سەرکەڤتنا مە ل سەر تیما حللە د گەرا بوری دا ئێک ژ زەحمەترین و گرنگترین یاریێن مه بوو د خولێ دا ژبەرکو هەتا خولەکێن دووماهیێ ژی هەڤڕکی دناڤبەرا هەردو تیمان دا هەبوو، د نوکە دا تیما مە د ئاستەکێ جێگیر دا دەرباز دبیت و یاریزانێن مە هەموو د ئامادەنە بۆ یاریێن بهێت ژ خولێ، ئەم بەردەوام بەرهەڤیان دکەین بۆ دیدارا کەرخ ژبەرکو چاڤێ مە ل سەرکەڤتنێ یە د وێ یاریێ دا هەر چەندە تیما کەرخ ژ تیمێن باشە و ب زەحمەتە د یاریگەها خوە دا، یا پێدڤی ژی هەموو بۆ یاریزانان هاتیە ئەنجامدان و د ئامادەنە بشێن سەرکەڤتنێ ب دەستڤە بینن.
لدووماهیێ گۆت : مە دڤێت ژ چار تیمێن دەستپێکی یێن درێزبەندیا خولێ دا بین پێخه‌مه‌ت دەربازی چارگوشا زێرین بین، بزاڤێن مه بۆ باشترین شێوه ئه‌نجامێن قۆناغا ئێكێ ودویێ باشتربن.
