باسکێت بۆلا زاخۆ یا نفشەکێ نوو دروست دکەت
عەلی حاجی:
د داخویانیەکێ دا ڕاهێنەرێ تیما باسکێت بۆلا یانەیا زاخۆ بۆ رۆژنامەیا ئەڤرۆ دیار کر ئەو ناراوەستن و دێ بەردەوام بن ل سەر پێگەهاندنا نڤشێن نوو ودانانا پێگەهێ ڤێ یاریێ ل زاخۆ.
زێدەتر جوتیار عەلی گۆت: بۆ ماەیێ چەندین سالە دگەل چەند ڕاهێنەرێن زاخۆ بەردەوامین ل سەر پێگەهاندنا نڤشێن نوو یێن یاریزانێن باسکێت بولێ و د نوکە دا هژمارەکا وان یاریزانان دناڤ خولێن ئیراق و کوردستانێ دا یاریێ دکەن ل سەر ئاست و ژیێن جودا و نوکە ژی ئەم یێ نڤشەکێ نوو دروست دکەین، بەردەوامین بۆ ئاڤاکرنا یاریزانان ژ بۆ پاشەرۆژێ کو پتر مفا ژ شیانێن وان بهێنە دیتن، ل ئیدارەیا سەربەخویا زاخۆ مە یاریزانێن باش هەنە لێ پێدڤی ب پێگەهاندن و چاڤدێریێ نە.
ل دووماهیێ گۆت ژی: پێدڤیە ئەم بەردەوامیێ بدەینە ڤی پرۆژەیی ژ بۆ هندێ بەردەوام یاریزانین باسکێت بۆلێ بهێنە بەرهەڤکرن و زاخۆ ببیتە قوتابخانەیا ڤێ یاریێ.
