باشتره زێده‌تر خول ل سه‌ر پرۆژێ برَیتش كانسل بهێنه‌ڤه‌كرن
ئه‌ڤرۆ، سالار محه‌مه‌د دۆسكی:
رێڤه‌به‌رێ قوتابخانا مالتا ژووری ئاشكراكر كو پرۆژێ برێتش كانل ئێكه ژ پرۆژێن هه‌ره پێشكه‌فتی ل وه‌زاره‌تا په‌روه‌ردێ و زێده‌تر قوتابخانه گوهورین و پێشكه‌فتنێ بخو ڤه‌دبینت و نه‌رازیبوونا هنده‌ك رێڤه‌به‌ران ل سه‌ر پرۆژه‌ی بۆ كێمبوونا زانیاریان ل سه‌ر پرۆژه‌ی و چه‌ندین خالێن دی ڤه‌دگه‌ریت.
هه‌ژار خالد عزێر، رێڤه‌به‌رێ قوتابخانا مالتا ژووری یا بنه‌ره‌ت ل په‌روه‌ردا دهۆك یا رۆژئاڤا بۆ به‌رپه‌رێ په‌روه‌رده و زانكۆ رۆژناما ئه‌ڤرۆ گۆت: پرۆژێ (پرَێتش كانسل) پرۆژه‌كێ گه‌له‌ك پێشكه‌فتی یه و ئه‌گه‌ر بدروستی كار ل سه‌ر بهێته‌كرن دێ قوتابخانه ژ هه‌موو روویه‌كی ڤه گه‌له‌ك پێشكه‌فتنێ بخوه ڤه بینن و 25 ستانده‌رتان بخوه ڤه دگریت و ژ هه‌موو روویه‌كی ڤه بگشتی قوتابخانه هاتیه كونترولكرن و هه‌ر كارگێریه‌كا قوتابخانێ یا نه‌چاره ل سه‌ر هه‌ر 25 ستانده‌رتان كار بكه‌ت و ده‌مێ تو كاری ل سه‌ر دكه‌ی گومان تێدا نینه دێ قوتابخانه ژ هه‌موو روویه‌ه‌كی پێش كه‌ڤیت بگشتی پرۆژه‌كێ گه‌له‌ك باشه و سه‌ركه‌فتنا هه‌می قوتابخانا و كاراكرنا مامۆستان تێدا هه‌یه و په‌یوه‌ندیێن كارگێریێن قوتابخانا ل گه‌ل سه‌میانان زێده‌تر دهێنه خورتكرن.
ل دور نه‌رازیبوونا هژماره‌كا رێڤه‌به‌ران ل سه‌ر پرۆژێ ناڤبری، مامۆستا هه‌ژار گۆت: پرۆژه‌كێ گه‌له‌ك به‌رفره‌ه و گه‌له‌ك كار بۆ دڤێت وه‌ك رێڤه‌به‌ره‌ك دێ خوه كه‌مه نموونه و گه‌له‌ك جاران ب شه‌ڤ دهێنه قوتابخانێ وكاری ل سه‌ر پرۆژه‌ی دكه‌ین و ره‌نگه گه‌له‌ك رێڤه‌به‌ر ماندی دبن و دیسا خاله‌كا دی ژی هه‌یه گه‌له‌ك رێڤه‌به‌ران شاره‌زایی دپرۆژه‌ی دا نینه و هه‌تا ئاسته‌كێ بلند ئه‌ف پرۆژه بۆ یێ گرانه و هه‌كه شاره‌زای رێڤه‌به‌ری نه‌بیت گومان نینه و دیسا خاله‌كا دی ژی هه‌یه زێده‌تر كارگێریێن قوتابخانا مژوولی پاراستن و به‌ركرنا ماسكانه ل به‌ر قوتابیان و تایبه‌ت پاراستن ژ په‌ژیكا كورونایێ و ئه‌ڤێ چه‌ندێ ژی كارتێكرنه‌كا مه‌زن ل سه‌ر ئه‌نجامدانا ڤی پرۆژه‌ی هه‌یه ل قوتابخانێ.
رێڤه‌به‌رێ قوتابخانا مالتا ژووری زێده‌تر گۆت: گرنگه زێده‌تر خولێن ڤی پرۆژه‌ی بۆ رێڤه‌به‌ر و ستافێن قوتابخانا بهێنه‌ڤه‌كرن و زێده‌كر مامۆستا و قوتابخانه تێ بگه‌هن كو پرۆژه خزمه‌تكرنا قوتابخانێ دایه و باشتره نه‌بتنێ رێڤه‌به‌ر به‌لكو هاریكار و مامۆستا ژی ل قوتابخانێ باش پرۆژه‌ی بگه‌هن و گرنگه خول به‌رده‌وام بهێنه‌ڤه‌كرن.
هه‌مان ریڤه‌به‌ر ئه‌و ژی ئاشكراكر كو به‌ری دو سالان قوتابخانا مالتایێ نمرا (53) وه‌رگرت بوو پشتی لژنا هه‌لسه‌نگاندنا ده‌ره‌كی هه‌لسه‌نگاندنا قوتابخانێ كری و پشتی كاركرنا ساله‌كێ ل سه‌ر پرۆژه‌ی ل قوتابخانی قوتابخانا مه نمرا وێ گه‌هشته (73) و سالا دووڤ دا زێده‌تر كار هاته‌كرن و قوتابخانا نمرا وێ بۆ (78) و هه‌كه پرۆژه سالا پار هه‌با یێ پشست راستم دا ڤێ پلێ زێده‌تر بده‌ست ڤه ئینین و ئه‌ڤ ساله ژی كاره‌كێ باش ل قوتابخانا مه ب هاریكاری و پشته‌ڤانیا گشت مامۆستا هاتیه‌كرن و ب ئومێدین دێ ڤێ نمرێ زێده‌تر ده‌ربازكه‌ین.
هه‌مان رێڤه‌به‌ر گۆت: گرنگه رێڤه‌به‌رێن قوتابخانا ل وه‌رزێ هاڤینێ كار ل سه‌ر ئه‌نجامدانا ڤی پرۆژه‌ی بكه‌ن و نه‌هێلن بۆ وه‌رزێ خواندنێ به‌لكو وه‌رزێ خواندنێ دێ زێده‌تر مژوولی وه‌رگرتنا قوتابیان ل قوتابخانێ و رێكخستنا پولێن قوتابیان و كومكرنا زانیاریان و ب ئومێدم هه‌كه رێڤه‌به‌ر ل وه‌رزێ هاڤینێ كار ل سه‌ر پرۆژه‌ی بكه‌ن هه‌تا ئاسته‌كێ باش دێ یێ به‌رهه‌ڤ بیت بۆ ده‌سپێكا سالا خواندنێ و دێ نمرێن باش ب ده‌ست ڤه ئینت.
مامۆستا هه‌ژار ئه‌و ژی گۆت: ئێك ژ پرۆژێن هه‌ره باش دڤ پرۆژه‌ی دا ئاستێ زانستی و پێشكه‌فتن و په‌روه‌رده‌یی ل هه‌ر قوتابخانه‌كێ دهێته دیاركرن، دیسا قوتابخانه بگشتی دهێته رێكخستن و خه‌ملاندن و هه‌ر هه‌می پێدڤیێن قوتابخانێ دهێنه پێش چاڤ و هه‌لسه‌نگاندنا قوتابخانا گه‌له‌ك ب زه‌لالی دهێته‌كرن و چ ده‌ستكاری و هه‌ڤالینی تێدا نینه چونكو سێ سه‌رپه‌رشتن و كارتێكرن ل سه‌ر نه‌هێته‌كرن و ده‌مێ قوتابخانا مه ماوێ دو سالان دا ژ نمره (53) بوویه (78) لژنه‌كا دوڤچوونێ ل سه‌ر ئاستێ وه‌زاره‌تێ هاته پێكئینان و سه‌ره‌دانا قوتابخانا مه‌كر و فیچه‌ره‌ك ل سه‌ر گشت قوتابخانێ دروست كر و ئه‌و سه‌رپه‌شت ب رژی و زانستی و په‌روه‌رده‌ی قوتابخانێ دهه‌لسه‌نگینن و ئاستێ هه‌می قوتابخانا دهێته دیاركرن.
