باشترین جی پی ئێس بۆ دیاركرنا كامیرەیێن هاتنوچوونێ
نها ئه‌پلیكه‌یشنه‌كێ پرتۆگالی كه‌فتیه پێش گۆگل مه‌پ و ویزوی و خزمه‌تێن گه‌له‌لك باش پێش كێش دكه‌ت ژ وان ژی دیاركرنا جهێ كامیرێن هاتنوچوونێ.
زۆر جاران ده‌ما دچینه رێیان چو ب رێیا ئه‌پلیكه‌یشنێ مۆبایلێ بیت یان ژی ئه‌ندرۆید ئوتو، بزاڤێ دكه‌ین ئێك ژ وان ئه‌پلیكه‌یشنا بده‌ینه كاری، هه‌ر یێن رێ ژی نیشان دده‌ن و هه‌ر ژی جهێ كامیرێن له‌زاتیێ ژ لایێ رێڤه‌به‌ریا هاتنوچوونێ ڤه هاتینه دانان، دیار كه‌ن. نها ئه‌پلیكه‌یشنه‌كێ پرتۆگالی هاتیه نووكرن و هه‌ڤركیا ڤان هه‌موو ئه‌پلیكه‌یشنێن به‌ری خوه دكه‌ت یێن بۆ ڤێ مه‌ره‌مێ هاتینه به‌رهه‌ڤكرن.
NDrive GPS ئه‌ڤ ئه‌پلیكه‌یشنێ بێ به‌رامبه‌ره یێ نیشاندانا رێیان و كامیرێن له‌زاتیێ یێن هاتنوچوونێ كو ب ره‌نگه‌كێ گه‌له‌ك باش كار دكه‌ت و پێدڤی ب ئه‌نترنێتێ ژی نابی ل ده‌مێ دانه كاری یا ئه‌پی. گه‌له‌ك تایبه‌تمه‌ندیێن گرنگ یێن هه‌ین كو دبیت ژیانا ته یا شوفێر بگوهۆڕیت.
ئێك ژ گرنگترین تایبه‌تمه‌ندیان ئه‌وه كو ته نه‌خشته‌یێ چ جهی بڤێت تو دشێی دانلۆد بكه‌ی و بێ ئه‌نترنێت بكاربینی، ئه‌ڤه ژی ب تایبه‌ت بۆ وان كه‌سان یا باشه یێن ئه‌نترنێتێ ژ ده‌رڤه یان د ناڤ ترۆمبێلێ دا بكار نه‌ئینن.
نیشان و هێما و هایداریێن ئه‌نترنێتێ ب ره‌نگه‌كێ گه‌له‌ك باش نیشان دده‌ت و دبێژیت ب ده‌نگه‌كێ روون و زه‌لال، ئه‌ڤه ژی دبیته ئه‌گه‌ر شوفێری باشتر و ب سلامه‌تتر بیت.
دیسا ئێك ژ وان خزمه‌تێن شوفێر گه‌له‌ك حه‌ز ژێ دكه‌ت ئه‌وه دیاركرنا كامیرێن له‌زاتیێ یێن ژ لایێ هاتنوچوونێ ڤه هاتینه دیاركرن كو ب ره‌نگه‌كێ گه‌له‌ك ئاشكه‌را به‌رچاڤ دكه‌ت.
گرنگیه‌كا تایبه‌ت دایه هێمایێن هاتنوچوونێ و رێیێن ڤه‌گۆهاستنێ بۆ نمۆنه رێیا هاتنوچوونا ترۆمبێل و پایسكل و ماتۆرسكلان گه‌له‌ك ب ئاشكه‌را تێدا هاتیه ژێك جوداكرن. دیسا هه‌موو جهێن گرنگ ژی ب ره‌نگه‌كێ ب ساناهی هاتینه ده‌ستنیشانكرن وه‌كو خوارنگه‌هـ و جهێن داگرتنا پانزینێ و… هتد.
ئه‌ڤه و گه‌له‌ك خزمه‌تێن دی یێن ڤێ ئه‌پلیكه‌یشنێ دبنه ئه‌گه‌ر كو بكه‌ڤیته پێش هه‌موو وان ئه‌پێن دی یێن بۆ ڤێ مه‌ره‌مێ هاتینه دروستكرن و ب تایبه‌ت كو ئه‌ڤه ب ته‌مامی یا بێ به‌رامبه‌ره.
