باشترین خورانێن دژی پەنجەشێرێ

ئه‌ڤرۆ نيوز:

راپۆرتێن نۆشداری ئاشکرا دکەن، پتریا وان ژنێن تووشبووی ب پەنجەشێرا مەمکی ژیێ وان د ناڤبەرا 40 – 50 سالانە، ژ نیڤا حالەتان پتر ژی ل قۆناغێن پێشکەفتی ئاشکرا دبن، وەکو قۆناغا دووێ و سیێ کو چارەسەریا وان ژ 4-% زێدەتر نینە ل وەلاتێن پاشکەفتی و 70% ل وەلاتێن پێشکەفتی ژبەر ھەبوونا رەوشەنبیریا ساخلەمیێ.
ئەڤە ژی باشترین ئەو خوارنێن یێن دژی پەنجەشێرێ:
1- دۆشاڤا ھناران: یا دەولەمەندە ب کەرستێن دژی گیرھەبوونێ یێن کارا، ئەو ژی دبیتە باشترین ڤەخوارن بۆ خوەپاراستنێ ژ پەنجەسێرێ.
2- رھا زەر: یا باش ئەوە رھا زەر بکەنە ناڤ خوارنێ ژبەرکو باشترین تمامکەرێ خورانێ یە یێ دژی وەرمینێ د لەشی دا.
3- چایا کەسک: بەرھنگاریت وەرمینا پەنجەشێرێ دکەت، ناھێلیت دەمارێن خوینێ یێن پەنجەشیرَی پێشڤە دبەن شین ببن، ھەروەسا کەرستێ فلافینویدات د ناڤ دا ھەیە یێ ل دژی گیرھەبوونێ و بەرخودانێ ژ سەرئێک کۆمبوونا کەرستێن ژەھراوی دکەت.
4-باجانسۆرک: کەرستێ لیکوبین د ناڤ دا ھەیە یێ ل دژی وەرمینا پەنجەشێرێ.
5- سیر و پیڤاز: ڤەکۆلینەکێ ئاشکرا کریە، سیرێ و پیڤازێ ھندەک کەرستە د ناڤ دا ھەنە ناھێلن پەنجەشێر دروست بیت.
6- کویرسیتین: کەرستەکێ رووەکی یە و ھندەک ساخلەتێن گرن د ناڤ دا ھەنە، ناھێلیت چو بزاڤ بۆ دروستبوونا پەنجەشێرێ چێببن و بتیابەت بۆ جگارکێشان، ئەو کەرستە د ناڤ کاکاوێ و فلفلا تووژ و توویان و گوندۆری دا ھەیە.
7- ریشالۆکێن خورانێ: ڤەکۆلینان ئاشکرا کریە خوارنا فێقی و زەرزەواتی مەترسیا تووشبوونا ب پەنجەشێرێ کێم دکەت، ژبەرکو ریشالوک دناڤ دا ھەنە یێن ھاریکار بۆ دەرکرنا کەرستێن ژەھراوی ژ ناڤ لەشی و بەرھنگاریا دروستبوونا وەرمینان دکەت و ھەستا تێربوونێ بۆمرۆڤی چێدکەت و ناھێلیت مرۆڤ قەلەو بیت و روون و بەز د لەشێ مرۆڤی دا کۆم ببن.

کۆمێنتا تە