باشترین دەم بۆ ھەڤژینیا کچان ھاتە دەستنیشانکرن
ئەڤرۆ نیوز:
بەرۆڤاژی کلتورێ گەلەک وەلاتێن رۆژھەلاتا ناڤەراست، کو پێ باشە کچێ د ژیەکێ بچووک دا بدەنە شوو، داکو تووشی خەلەتیان نەبن، بەلێ د دووماھیک ڤەکۆلینا زانستی دا، ئەڤ کارە ب باشی ناھێتە دیتن و وەختەکێ دی بۆ شووکرنێ ھاتیە دەستنیشانکرن، ھەر د وێ ڤەکۆلینێ دا دەرکەفتیە، کو وەختێ شووکرنا کچان پەیوەندیەکا راستەوخۆ و ب ھێز دگەل زێدەبوونا کێشا لەشی ھەیە.
ئەو ڤەکۆلین کو ل زانکۆیا میشیگان ل ئەمریکا، ل سەر زێدەتر ژ 10 ھزار کچان ئەنجام دایە، دەرکەفتیە ئەو کچێن بەری کو بچنە زانکۆیێ و داینە شوو ب رێژا 60% تووشی مەترسیا زێدەبوونا کێشا لەشی دبن.
ھەر د وێ ڤەکۆلینێ دا ئەڤ چەندە ژی بەرچاڤ کریە کو د ھەمان دەم دا ئەو کچێن د خواندنا زانکۆیێ دا و ھێشتا شوو نەکری ب رێژا 25% ئەگەرێ توشبوونا قەلەویێ ھەیە. ھەروەسا ئەو رێژە د وان کچان دا یێن کو پشتی زانکۆیێ ب داوی ئینای و شووکری ب تنێ 17% یە.
ڤەکۆلەرێن ڤەکۆلینێ ل دووماھیێ گەھشتنە وێ باوەریێ کو باشترین وەخت بۆ ھەڤژینیێ و دوورکەفتنێ ژ زێدەبوونا کێشا لەشی، پشتی تەمامکرنا زانکۆیێ یە.
