باشترین رێیێن ب هێزکرنا لەزاتیا ئنتەرنێتێ
سندس سالح سلێڤانەی:
ئەنترنێت بوویە بەشەکێ گرنگ ژ ژیانا مە، ئەم هەموو دخوازین کو لەزاتیا ئەنترنێتا مە یا باش بیت. د ڤێ راپۆرتێ دا، دێ چەند رێیێن گرنگ بۆ ب هێزکرنا لەزاتیا ئەنترنێتێ نیشا هه‌وە دەین:
١- گوهۆرینا مۆدێمێ:
مۆدێمێن کەڤن دشێن ببنە ئەگەرێ خاڤبوونا ئەنترنێتێ. باشترە کو هوون مۆدێمەکێ نوو بکڕن یێ کو د گەل تەکنیکێن نوو د گونجیت. مۆدێمێن نوو دشێن پشتەڤانیا لەزاتیا بلندتر بکەن و وەرگرتنا ساینالێ باشتر بکەن.
٢- جهێ مۆدێمی:
جهێ دانانا مۆدێمی گەلەک گرنگە. پێدڤی یە هوون مۆدێمێن خوه داننه جهەکێ ڤەکری و دوور ژ دیوار و تشتێن ئاسنی و ئامیرێن ئەلکترۆنی یێن دی. هەروەسا پێدڤی یە ل ناڤەراستا مالێ بیت، دا کو ساینال بگەهیتە هەموو جهان.
٣- بکارئینانا تەکنیکا 5GHz
مۆدێمێن نوو پشتەڤانیا فریکوێنسیا 5GHz دکەن. ئەڤ فریکوێنسیە لەزاتیەکا بلندتر ددەت، لێ بورینا وێ د دیواران را کێمترە. باشترە کو هوین 5GHz بکار بینن ئەگەر هوون نێزیکی مۆدێمی بن و 4.2GHz ئەگەر هوون د دویر بن ژ مۆدێمی.
٤- نووکرنا درایڤه‌رێن ئامیران:
پێدڤی یە هوون جار جار درایڤه‌رێن ئامیرێن خوه نوو بکەن، چونکو کۆمپانی هەردەم درایڤه‌رێن نوو بەلاڤ دکەن یێن کو لەزاتیا ئەنترنێتێ باشتر لێ دکەن.
٥- پاقژکرنا ئامیران ژ فایلێن نەپێدڤی:
کۆمبوونا گەلەک فایلێن نەپێدڤی ل سەر ئامیرێن هه‌وە دشێت ببیتە ئەگەرێ خاڤبوونا ئەنترنێتێ. پێدڤی یە هوون جار جار ئامیرێن خۆ پاقژ بکەن ژ فایلێن نەپێدڤی.
٦- بکارئینانا کێبلێ ئه‌نترنێتێ:
وایەرلێس یان بێته‌ل یا باشە بۆ بکارئینانا ئاسان، لێ کێبلێ ئه‌نترنێتێ دێ لەزاتیەکا بلندتر و جێگیرتر دەت. هه‌كه هوون دخوازن باشترین لەزاتی، باشترە کو هوون ئامیرێن خۆ ب کێبلێ ئه‌نترنێتێ گرێدەن.
٧- گوهۆرینا ئەنترنێت پرۆڤایدەری:
ئەگەر هوون هەست دکەن کو لەزاتیا ئەنترنێتا هه‌وە یا کێمە، دشێن ل ئەنترنێتێ پرۆڤایدەرێن دی بگەڕن. هندەک پرۆڤایدەر پاکێجێن باشتر پێشکێش دکەن ب لەزاتیەکا بلندتر.
٨- بکارئینانا ڤی پی ئێن VPN)):
هندەک ئەنترنێت پرۆڤایدەر رێ ددەنە هندەک سایتان و ئەوێن دی هێدی دکەن. بکارئینانا ڤی پی ئێن دشێت ئەڤێ چارەسەر بکەت و لەزاتیەکا یەکسان بدەتە هەموو سایتان.
ب بکارئینانا ڤان رێیان، هوون دێ بینن کو لەزاتیا ئەنترنێتا هه‌وە یا باشتر بوویە و هوون دێ کاری ب لەزتر و ب کێم ئاستەنگان بن.
