باشترە ئەو دەمارا بۆ نەخۆشەكێ گەنج دهێتە چاندن خوینبەر بیت
د. ئەحمەد مەلا محەمەد شەریف دۆسكی، تایبەتمەندێ نشتەرگەریێن دلی دیاركر كو نوكە نشتەرگەریێن ڤەكرنا دلی دهێنەكرن بێی كو دلێ نەخۆشی بهێتە راوەستاندن و گۆت: مە نشتەرگەری كرینە بۆ نەخۆشان كو پێدڤی ب چار یان پێنج دەماران هەبووینە و مە چاندینە و نەخۆش ژی هەبووینە كوت ووشی مەزنبوونا ماسۆلكا دلی بووینە و رێكا (صمامان) هاتبوو گرتن و پێدڤی ب ئەنجامدانا نشتەرگەریا دلی ڤەكری هەبوویە بۆ راكرنا هندەك ژ ماسولكا دلی داكو رێكا (صمامی) ڤەببیت و بەرتەنگی تێدا نەمینیت.
د.احمد ملا محمدشریف دیاركر كو هەكە نەخۆش یێ گەنج بیت, باشترە ئەو دەمارا بۆ دهێتە چاندن خوینبەر بیت، نە خوینهێنەر بیت، چونكو دەمەكێ درێژتر دمینن ڤەكری، لەورا ئەو دەمارا ئەم ل سەر دلێ وی دچینین دێ ژ سینگێ وی ئینینە دەر، و ژلایێ زانستی یا هاتیە پشتراستكرن كو دەمارا سینگی ژ هەمی دەماران پتر دمینیتە ڤەكری ژبەر وێ چەندێ ئەم وێ دچینین.
تایبەتمەندێ نشتەرگەریێن دلی دیارك ركو پشتی نشتەرگەریێن دلییێن ڤەكری، نەخۆش دهێتە رەوانەكرن بۆ پشكا چاڤدێریا چر بۆ دەمێ 4-6 سعەتا دمینیتە ل ژێر بەنجێ و دمینیتە نڤستی، هەتا فشارا خوینێ و لێدانا دلی و گەماتیا نەخۆشی هەمی جێگیر دبن و پاش نەخۆش دهێتە ژ خەو راكرن و گۆت: ئەنجامدانا نشتەرگەریێن دلی پێدڤی ب تیمەكێ تایبەتمەند یێ تەمام یێ هەی، ژبەركو نەخۆش دبیتە ئەگەرێ بەرپرساتیا نۆشدارێ نشتەرگەر و بێهۆشكاری و چاڤدێریا چر و همی پێكڤە چاڤدێریا نەخۆشی دكەن هەتا بێی ئاریشە د ڤێ پرۆسێ دا دەرباز دبیت.
