باشنڤیسی بوو ئەگەر ل قەیرانان كارتێكرن ل من نەبیت
هەرهین محەمەد:
باشنڤیس (ئەنەس عەبدوللا) د دیدارەكێ دا بۆ رۆژناما ئەڤرۆ گۆت: دەمێ ئەز ل پەیمانگەهێ مە وانەك هەبوو یا باشنڤیسینێ بوو، ئەو وانە من ب خۆ ب دەرفەت دیت و من خوە فێری باشنڤیسینێ كر و ئەو باشنڤیسن نوكە نە ئەكا دیمی نە و هەموو ب حەزا خوە بووینە باشنڤیس و باشنڤیسێ راستەقینە دەست نڤیسێ وی یێ جوان بیت و گرنگیێ بدەتە دەستنڤیسینا كەڤن و نەیا نوكە و نوكە هەموو كۆمپیۆتەرە و هەموو دشێن بنە باشنڤیس و نوكە مرۆڤ بێژیتە خودانێ چاپخانەكێ بۆ مرۆڤی نڤیسینەكێ ب دەستی ل سەر قۆماشی چێكە نوزانیت و كارێ دەست نڤیسینێ مە نە مایە و نوكە ل دهۆكێ ب تبلێن دەستی ئەوی كاری دكەن.
ناڤبری گۆت: باشنڤیسیێ ئەز ب جیهانەكا دیڤە گرێدایمە و گەلەك كەس ب من داینە نیاسین وەل منكریە خەلك ب چاڤەكی َمەزن سەحكەنە من، دیسان داهات و بەرنیاسبوون ژی دایە و ژبلی كو ئەز مامۆستامە ژیانا من یا رۆژانە ل سەر ڤی كاری یە و ل دەمێ قەیرانێ ژی باشنڤیسی بوویە ئەگەر كارتێكرنا قەیرانان ل من نەبیت.
