باقلک بو کێم خوینیێ دەردە یان دەرمانە؟
ئەڤرو نیوز ، نەوزاد زادە ھلۆری:
باقلک ئێکە ژ بەرھەمێن بوھاری و تام و خوشیەکا تایبەت ھەیە ، بەلێ دناڤ خەلکی دا ھوسا ھاتیە بەلاڤکرن کو باقلک ب تایبەتی باقلکێن تەر بو کێم خوینیێ خرابە و دبیتە سەدەما کێم خوینێ تایبەتی بو زاروکان.
دڤی واریدا ھاریکارێ نوژداری “غەریب عەبدولکەریم “ل دھۆکێ بۆ ئەڤرو نیوز گۆت: (گەلەک جاران ژبەر ھەبوونا ھندەک سەدەم و ھزر و بیرێن شاش ھندەک کەس ب تایبەتی زاروک دھێتە بێ بەھرکرن ژ ھندەک خوارنان ، ئێک ژ وان خوارنان ژی خوارنا باقلکان ب تایبەتی باقلکێن تەر و وەسا ھزر دکەن کو ئەڤ یەک دێ بیتە سەدەما کێم خوینیێ ل دەف زاروکی ، ھەر چەندە کو جورەکێ نەخوشیێ ھەیە دھێتە بناڤکرن نەخۆشیا باقلکان (favismm ) کو دناڤ تەپکێن سوورێن خوینێ چێدبیت و ئەگەر باقلک ، فاسولیا و بەزالیی بھێنە خوارن دێ بیتە سەدەما حەلیانا تەپکێن سوورێن خوینێ ، بەلێ ئەڤ یەک تنێ ل دەف وان کەسان پەیدادبیت ێن کو (G٦PD ) کێم دناڤ ئەنزیمایێن تەپکێن سوورێن خوینا وی دا ھەبن)
زێدتر گۆت: (خوارنا باقلکان نابیتە سەدەما کێمبوونا خوینێ دناڤ لەشێ مرۆڤی دا ، بەلکو بەروڤاژی باقلکێن تەر و ھەڤشێوەیێن وان زۆر دزەنگینن ب ھەبوونا ھندەک ژ ماددەیێن گرنگ دناڤ لەشی دا تایبەتی دناڤ خوینێ وەکو ئاسن ، ترشیا فولیکو ڤیتامین B١٢ کو ئەڤ یەک ژی دھەڤکارن د پروسەیا ئاڤاکرنا تەپکێن سوورێن خوینێ و مرۆڤی ژ کێم خوینێ دپارێزن)
ل دوماھیێ گۆت: (باقلک بو وان کەسان یا ب زیاندار و نەباشە ئەوێن کو کێمیا ئەنزیمایان ھەی ، و ئەگەر ئەو خوە بپارێزن ژخوارنا وان دێ باشتربیت)
