باكوورێ كوردستانێ یان كۆریا باكوور
ژبه‌ر كو هه‌ڵویستێ كوردان ب درێژیا دیروَكێ ل ئالیێ خه‌له‌ت بوو، ئه‌ڤجا چاره‌نڤیسێ بزاڤێن ڕزگاریخوازێن كوردی شكه‌ستنبوو.
لێ نها پشتی گه‌له‌ك هه‌وڵ و بزاڤ هاتینه‌كرن،كورد شیان سه‌ربوَڕه‌كا مه‌زن و دیروَكی وه‌رگرن و چوونه سه‌ر پێستووركا قوَرتالبوونێ، ئه‌وژی خوَرتكرنا په‌یوه‌ندیا باشوورێ كوردستانێ دگه‌ل وه‌ڵاتێن ڕۆژئاڤا، بڕێكا پتروَلێ و سیاسه‌تا هه‌ڤپشكا دژی تیرۆرێ، چرایێ كوردان ل جیهانێ پێ هه‌ڵبوو.
ئه‌ڤێ چه‌ندێ كاریگه‌ریه‌كا ئه‌رێنی ل سه‌ر پێشڤه‌چوونا دۆزا كوردی یا هه‌رچار پارچێن كوردستانێ كر ، ب تایبه‌تی باشوور و باكوورێن كوردستانێ.
ل باكوور سیاسه‌تا توندڕه‌وترین نه‌ته‌وه په‌رست به‌رامبه‌ری كوردان هاته گوهوَڕین و كورد ل باكوور پشكداربوون د پروَسا سیاسی دا و ڕێكا دیموَكراسی ل به‌رامبه‌ری كوردا ڤه‌بوو ئه‌ڤه گرنكترین پێنگاڤ بوون بڤی ره‌نگی ل باكوور و ل باشوورێ كوردستانێ ژی ژهه‌ر ده‌مه‌كێ دی پتر پێشكه‌فتن و پشتگیری ب ده‌ست كوردان كه‌فتن، باشوور بوَ ده‌وله‌ته‌ك بتنێ ڕاگه‌هاندن ژێ كێم هه‌ر چه‌نده سه‌ره‌ده‌ریا گه‌له‌ك وه‌لاتێن جیهانێ وه‌ك وه‌ڵاته‌ك سه‌ربه‌خوَ دگه‌ل هه‌رێما باشوورێ كوردستانێ دكه‌ن.
لێ ب مخابنیڤه هنده‌ك لایه‌نێن سیاسیێن كوردی ل باكوورێ كوردستانێ ئه‌ڤ ده‌ستكه‌فته ئێخستینه مه‌ترسیێ ، ژبه‌ر وێ سیاسه‌تا سه‌قه‌ت و شاش ئه‌وا ده‌رحه‌قێ ملله‌تێ كورد دا دهێته‌كرن كو هه‌مان نموونه‌یا كۆریا باكوور دئیننه بیرامه، ده‌ما ئیمپڕاتۆریه‌تا كۆریا هاتی داگیركرن ژلایێ ژاپونێڤه پشتی ڕزگاربوونێ به‌شێ باشوور كه‌فته بن كاریگه‌ریا وه‌ڵاتێن ڕۆژئاڤا و په‌یوه‌ندیێن خوَرت دگه‌ل ئه‌مریكا گرێدان، و هنده‌ك لایه‌نێن سیاسی یێن دارده‌ستی سیاسه‌تا ئێكه‌تیا سوَڤیه‌تا به‌رێ باكوورێ كۆریا ژ باشووری ڤه‌قه‌تاند و كه‌تنه ژێر سیاسه‌ت و ده‌ست تیوه‌ردانا ڕوسیایێ، نه بتنێ ئه‌ڤه بوَ ئه‌گه‌ر وه‌لاته‌ك دابه‌شكر، ئێك نه‌ته‌وه، ئێك زمان و ئێك دیروَك و كولتوَر؛ به‌لكو باكوور و باشوور بوونه سه‌رسه‌ختترین دوژمن بوَ هه‌ڤدوو، تا گه‌هشتی وێ ئێكێ گه‌له‌ك جاران برایێ باكوور گه‌فان ب چه‌كێ ئه‌تومی و كوَمكوژیێ ل برایێ باشوور بكه‌ت.
هه‌ڤبه‌ركرن ناهێته‌كرن د ناڤبه‌را كۆریا باشوور و باكوور دا، كۆریا باشوور ئه‌وا په‌یوه‌ندییێن وێ د ڤه‌كری دگه‌ل وه‌لاتێن ڕۆژئاڤا نموونه‌یه‌كا سه‌ركه‌فتی یا دیموكراسییه‌تێ و پێشكه‌فتنێیه د هه‌می بواران دا.
كۆریا باكوور دیڤه‌لانكا روسیا هیشتا ب دروستی خرابیا ره‌وشا هاولاتێن وێ دیار نینه كا گه‌هشتنه چ ئاست دبن ده‌ستهه‌لاتا دكتاتوَری ئه‌وا روسیا بۆ دانای به‌لێ سالانه هنده‌ك هاریكاری ژ لایێ كۆریا باشوور و هنده‌ك رێكخراوێن نیڤ ده‌وله‌تی بۆ وه‌لاتیێن وێ دهنێرن داكو ژیانا وان ژ برسێ قوَرتال كه‌ن، ژبه‌ر حوكمه‌تا وان بتنێ ل دووڤ داخازا روسیا ژبلی ئابلوَقا ئابووری ل سه‌ر ، داهاتێ وه‌لاتی هه‌می بۆ تێچونێن له‌شكری و چێكرنا موشه‌كایه كو جار جارا ئیران ژی هنده‌ك هاریكارێین ل بیاڤێ له‌شكه‌رێ پێشكێشی وێ دكه‌ت. ل ده‌رده‌سه‌رێین وه‌لاتیێن وێ ژبلی ڤه‌قه‌تاندینه ژ جیهانا ده‌رڤه وه‌لاتیێن وێ هێشتا بچووكترین ماف و خزمه‌تگوزاری نین نه بكارئینانا موبایلێ نه كاره‌ب. .. . سه‌رڤێ چه‌ندێ حه‌تا قوَساندنا پرچی ژی دڤێت ب وێ ره‌نگی بیت ێی ده‌ستهه‌لاتێ دیاركری نه وه‌لاتی دشێن ژ وه‌لاتی ب ده‌ركه‌ڤن و نه‌كه‌س ب ساناهی دشێت بچیت وه‌لاتێ وان؛ رۆژانه خه‌لك دهێن سێداره‌دان ژبه‌ر تشتێن بێ بها، ئه‌ڤه هه‌موو داكو وه‌لات ژبن كونتروَلا دكتاتوریه‌تا دارده‌ستێ روسی ده‌رنه‌كه‌ڤیت. ئه‌م درێژ ناكه‌ین ژبه‌ر ده‌رده‌سه‌ریێن وه‌لاتێن كۆریا باكوور ناهێن ژمارتن و چاوا بوونه قوَربانێن هنده‌ك دارده‌ستێن روسیایێ، ل دوماهی ئومێده‌وارین ل باكوورێ كوردستانێ ل سه‌ر ده‌ستێ سیاسه‌تێن ده‌میرتاشی هاوشێوێن وی یێن خوه كرینه د چه‌په‌رێ روسیا و ئیرانێ دا كوردستانێ نه‌كه‌ن نموونا باكور و باشورێن كۆریایێ، هه‌رچه‌نده ئه‌ڤ خه‌ونا روسیایێ دووباره نابیت ڤه ل جیهانێ ل بتنێ هه‌ولدانه‌كا ب ڤی ره‌نگی به‌سه بۆ مال وێرانكرنا هه‌ر ملله‌ته‌كی.
