بالندەیێ شین bluebird
نڤێسین: بوكۆڤسكی
و: زەردەشت
بالندەیەكێ شین د دلێ من دایە
دڤێت دەركەڤت
لێ ئەز گەلەك دلڕەقم دگەل،
ئەز دبێژم، د ژۆر ڤە بمینە،
ئەز ناھێلم كەس تە
ببینت.
بالندەیەكێ شین د دلێ من دایە
دڤێت دەركەڤت
لێ ئەز وێسكی پێوەر دكەم و دووكێلا
جگارەیان پف دكەمێ
و پوشت و بارڤان
و دكاندار
قەت نزانن
ئەو
ل وێ درێیە.
بالندەیەكێ شین د دلێ من دایە
دڤێت دەركەڤت
لێ ئەز گەلەك دلڕەقم دگەل،
ئەز دبێژم،
ل خوارێ بمینە، ما تە دڤێت من
بشەپلینی؟
تە دڤێت كاروباران
تێك بدەی؟ تە دڤێت باڕۆڤەیەكێ ل پرتووكفرۆشتنا من بدەی
ل ئۆرۆپا؟
بالندەیەكێ شین د دلێ من دایە
دڤێت دەركەڤت
لێ ئەز تێرا خوە زیرەكم، تنێ ب شەڤێ
وەختێ ھەركەس دخەو
ھندەك جاران ئەز دھێلم دەركەڤت.
ئەز دبێژم، ئەز دزانم تو یێ ل وێ درێ،
لەو خەمان
نەخوە.
پاشی ئەز دزڤڕینم،
لێ ل وێ درێ پچەك دخوینت
ئەز ناھێلم ئەو بمرت
و ئەم پێكڤە دنڤین
دگەل پەیمانا خوە یا نھین
و ئەو ھند ڕندە
مرۆڤی دگرینت،
لێ نەگری،
ما گریێ تە دھێت؟
