بالەبان ئامیرەكێ ب زەحمەتە بۆ ژەنینێ
بێوار حەمدی:
هوزان بابان، ژەنیارێ ئامیرێ بالەبانێ، كو خەلكێ پارێزگەها بۆكانە ل رۆژهەلاتێ كوردستانێ، د دیدارەكێ دا بۆ رۆژنامەیا ئەڤرۆ گۆت: ئەڤە پتری (15) سالانە ئەز ئامیرێ بالەبانێ، هەروەسا زۆڕنایێ و دۆزەلێ ژی دژەنم و هەردەم ئەز دبێژم ژەنینا بالەبانێ ل دیوانان پتر خەلكەك حەزژێ دكەت و گەلەك جاران ل نەخۆشیان حەزژێ دكەن، وەك تازی.
هەروەسا گۆت: بالەبان ئێك ژوان ئامیرەیانە یێن كو ژەنینا وان یا ب زەحمەت، چنكو پێدڤی ب هەوایەكێ زۆڕە، هەروەسا دڤێت مرۆڤی بێهنەكا درێژ ژی هەبیت، بۆ زانین من پەرتووكەك ژی ل دۆر ڤی ئامیرەی بەرهەڤكریە، لێ ژبەر رەوشا دارایی هەتا نوكە ئەز نەشیا یمە چاپ بكەم.
