بانده‌كێ تۆمه‌تبارێن ژن ل دهۆكێ هاته گرتن
زنار تۆڤی:
ب تۆمه‌تا سه‌ردابرن و وێنه‌كرنا زه‌لامان بانده‌كێ تومه‌تبارێن ژن ل گه‌ل تۆمه‌تباره‌كێ كوڕ ژ لایێ پۆلیسان ڤه ل ده‌ڤه‌ره‌كا دهۆكێ هاتنه گرتن.
هێمن سلێمان، به‌رپرسێ راگه‌هاندنا پۆلیسێن پارێزگه‌ها دهۆكێ بۆ رۆژناما ئه‌ڤرۆ دیار كر، د تاوانه‌كێ دا ل ده‌ڤه‌ره‌كا پارێزگه‌ها دهۆكێ بانده‌كێ ژنان كو ژ چار ژنان و كوره‌كی پێك دهات هاته گرتن.
ناڤهاتی گۆت: “ئه‌و هه‌ر پێنج تۆمه‌تباره راببوون ب برنا زه‌لامه‌كی بۆ ناڤ مالا خوه دا، وێنه بۆ گرتینه و گه‌ف لێ كرینه، هه‌كه كۆژمه‌كێ پاره‌ی نه‌ده‌تێ دێ وێنێن وی یێن بێسه‌روبه‌ر به‌لاڤ كه‌ن، له‌و وی زه‌لامی ژی پاره داینێ، پاشی وی زه‌لامی سكالا ل سه‌ر وان تۆمار كرییه و پۆلیسێن دهۆكی ژی شیاینه وان كه‌سان ده‌سته‌سه‌ر بكه‌ن و د ڤه‌كۆلینێن ده‌ستپێكی دا وان كه‌سان دان ب تاوانا خوه كرییه”.
