باهۆزەكا سزاییان ل سەر یانەیا بەرشەلۆنا هاتە سەپاندن
فدراسیۆنا فوتبۆلا ئۆرۆپا یویفا كۆمەكا سزایان ل سەر یانەیا بەرشەلۆنا و یاریزانێن وێ و كادرێ هونەری یێ تیمێ سەپاندن، دەرئەنجامێ ئەوان سەرپێچیێن د یارییا دووماهییا تیما وان ژ قارەمانییا چامپیۆنێز لیگ دگەل یانەیا ئینتەر میلان یا ئیتالی ژ قووناغا پێش دووماهییا وەرزێ بوری.
هەر ئێك ژ لامین یامال، رۆبێرت لیڤاندۆڤێسكی ب پێنچ هزار یۆرۆیان سزاداینە ژبەر نە پێگێرییا وان ب ڕێكارێن پشكینینا دگەل بەرپرسێن دژە دەرمانێن هوشبەر و هێزێ.
هەروەسان ڕاهێنەرێ یانەیا بەرشەلۆنا یێ ئەلمانی هانز فلیك و هاریكارێ وی ماركۆس سۆرج ب20 هزاریۆرۆیان سزادان و دوورئێخستنا وان ب ئێك یاری ژ چامپیۆنزێ ژبەر بنپێكرنا وان ب پرێنسیپێن گشتی یێن ڕەفتار و بنەمایێن رەوشتی دناڤا یاریگەهێ دا، یانەیا بەرشەلۆنا ب كۆژمەیێ 5250 یۆرۆیان هاتە سزادان ژبەر توندوتیژییا جەماوەرێ، دیسان ژبەر یاریێن ئاگری ب250 یۆرۆیان هاتنە سزادان.
