باوەرنامەیا نێڤدەولەتی ڕێكخۆشكەرە بۆ پێشئێخستنا یارییا بادمینتۆنێ
رەمەزان زەكەریا
د داخۆیانیەكێ دا هۆزەڤان زاهد ڕاهێنەرێ تیما تازەپێگەهشتیێن هەلبژارتیێ ئیراقێ و كوڕێ باژێرێ ئاكرێ بۆ یاریا بادمینتۆنێ دیار كر كەیفخوەشە شیایی باوەرنامەیا ئاستێ ئێك یا یارییا بادمینتۆنێ ب دەستڤە بینیت و دێ بزاڤێ كەت دوبارە ئەڤ یارییە ل كوردستانێ و پارێزگەها دهۆكێ ب هێز ڤەگەڕیت .
زێدەتر ناڤهاتی گۆت: ل دووماهییا حەفتییا بۆری ل سەر ئاستێ ئیراقێ و كوردستانێ ب تنێ ئەم پێنچ ڕاهێنەر بووینە خودانێن باوەرنامەیا نێڤدەولەتی ئاستێ ئەی یا ئێكێ پشتی ب سەركەڤتییانە مە پشكداری د خولێ دا كری، پشكدارییا من هەر بوو هندێیە هەموو بزاڤان بكەم دگەل سەرۆكێ فدراسیۆنا ڤێ یاریێ ل ئیراقێ كو خەلكێ باژێرێ ئاكریێ یە ماموستا هەڤال،ئەڤێ یاریێ پێشبێخین و دوبارە هێزا وێ ڤەگەڕینن، ل ئیراقێ ب گشتی گرنگی پێ دهێتە دان، لێ كوردستانێ گرنگی پێ نینە.
هۆزەڤان زاهد ئەوچەندە ژی گۆ: ب خوەشحالی ڤە راهێنەرێ هەلبژارتیێ ئیراقێ مە ل سەر ئاستێ تازەپێگەهشتیان، ئانكو دانانا بنیاتەكێ موكم بۆ ڤێ یاریێ لەوماژی هەموو هیڤیێن من ئەون بشێم یاریزانێ كورد بۆ ڤێ یاریێ پەیدابكەم، هەرچەندە پێشتر ل باژێرێ ئاكرێ تیم هەبووە ل سەر ئاستێ ئیراقێ پشكداری كریە و دو سالا ناسناڤێ ئیراقێ و كوردستانێ ب دەستڤەئینایە لێ پشتی شەرێ دژی تیرۆرستێن داعشێ و تێكچوونا رەوشا ئابووریا كوردستانێ چ گرنگی بڤێ یاریێ نەهاتەدان بهیڤی نە گرنگیێ پێ بدەن.