باژێرڤانیا ئاكرێ رێگریێ ل زێدە گاڤیێن سەر رێكا جهێن گوزاری دكەت
ئەڤرۆ نیۆز ،رەمەزان هەرنی:
ئەڤرۆ21 ێ خزەیرانێ باژێرڤانیا ئاكرێ ل گەل موختارو ئەندامێن جڤاتا باژێرڤانیێ سەرەدانا جهێن گوزاری كر ل ئاكرێ ب مەبەستا رێكخستن و راكرنا زێدەگاڤیێن لسەر رێكا جهێن گوزاری.
بلند رەزا سەروكێ باژێرڤانیا ئاكرێ بۆ ئەڤرۆ نیۆز گوت : ل گەل جڤاتا باژێرڤانیێ و موختارو راگەهاندنا باژێرڤانیێ مە سەرەدانەكا مەیدانی ئەنجامدا بۆ هاڤینگەها سیپە ل ئاكرێ مەرەم ژ سەرەدانێ رێكخستن و دیاركرنا میكانیزمەكێ بۆ ژبۆی وان كەسێن كەرەستەیا دفروشن لسەر رێكا سیپە یا گوزاری ،هەڤدەم رێگریێ ل گرتنا رێكا سیپە دكەین كو ژبەر فروتنا كەرەستا بهێتە گرتن پێدڤیە بەردەوام ئەو رێك یا ڤەكری بیت.
