باژێرڤانیا ته‌ناهی ب رێیا دادگه‌هێ خانیه‌كێ زێده‌گاڤی خرابكر
ئه‌ڤرۆ نیۆز، ئه‌میر ئه‌ترووشی
سه‌رۆكێ باژێرڤانیا ته‌ناهی راگه‌هاند، وه‌لاتیه‌كێ ده‌ڤه‌رێ خانیه‌كێ زێده‌گاڤی ئاڤاكر و پشتی داخوازا راكرنا خانی ژێ هاتیه كرن، ئه‌و وه‌لاتیه‌ك رازی نه‌بوو خانی بهێته راكرن و ژ به‌ر هندێ ژی سكالا ل سه‌ر هاتیه تۆماركرن.
نزار نێچیرڤان، سه‌رۆكێ باژێرڤانیا ته‌ناهی بۆ ئه‌ڤرۆ نیۆز دیار كر كو ل سنورێ باژێرڤانیا ته‌ناهیێ ل رۆژئاڤایێ كێڤلا پشتی خانیه‌ك هاتیه ئاڤاكرن ل سه‌ر مولكێ گشتی ژلایێ هاوولاتیه‌كی ڤه، تیمێن مه یێن به‌شێ زێده‌گاڤیان فه‌رمان پێكر ئاڤاهیێ خوه خراب كه‌ت بێی كو پێرابوونێن یاسایی ل گه‌ل دا بهێنه كرن، لێ پشتی دیاربوی هاوولاتی یێ رژده ل سه‌ر كریارا خوه، بابه‌ت هاته شاندن بو به‌شێ یاسایی و به‌شێ یاسایی ب ئه‌ركێ خوه رابوون و دوس هاته ڤه‌كرن ل دادگه‌ها سێمێلێ.
زێده‌تر گۆت: د ئه‌نجام دا دادگه‌هێ بریار دا د ماوه‌یه‌كێ دیاركری دا ئه‌ڤ ئاڤاهیه بهێته خراب كرن، ئه‌گه‌ر نه خودان خانی دێ هێته ده‌سته‌سه‌ركرن هه‌تا خانی بهێته خراب كرن، د ئه‌نجام دا ل ١⁄٢٦ رۆژا ئێك شه‌مبی ژلایێ تیمێن مه‌ڤه ئاڤاهی هاته خراب كرن ب ئاماده‌بون و ره‌زامه‌ندیا سه‌رپێچی كاریڤه.
