باژێرێ زاخۆ دێ قاره‌مانیا دایسلۆن مێڤان كه‌ت
ئه‌ڤرۆ،عه‌لی حاجی.
راهێنه‌رێ تیما دایسلۆن یا یانا زاخۆ بۆ رۆژناما ئه‌ڤرۆ دیاركر كو بۆ جارا ئێكێ د دیرووكا ئیراقێ و كوردستانێ دا دێ قاره‌مانیا دایسلۆن یا كچان ل سه‌ر ئاستێ ئیراقێ ل باژێرێ زاخۆ هێته كرن.
زێده‌تر كۆڤان خورشید گوت: بریاره ل شه‌مبیا بهێت ب پشكداریا ژماره‌كا مه‌زن یا یاریزانێن كچ قاره‌مانیا دایسلۆن كو پێكهاتیه ژ غاردانا چه‌ند كیلو مه‌تری ل گه‌ل به‌ریكانا پایسكلان ب خوه ڤه‌دگریت، یانا زاخۆ دێ ب 15 یاریزانێن كچ پشكداربیت و به‌رهه‌ڤیێن مه د باشن پێخه‌مه‌ت ئێكه‌م پێنگاڤا سه‌ركه‌فتی بۆ ڤێ یاریێ پاڤێژین و راهێنانێن مه بۆ ماوێ سێ هه‌یڤان به‌رده‌وام بووینه ب ئارمانجا ده‌ستڤه ئینانا ناسناڤی.
ژلایه‌كێ دووڤه ناڤهاتی دیاركر كو هه‌موو مه‌زاختیێ قاره‌مانیێ دێ ژلایێ سه‌رپه‌رشتێ ئیداره‌یا زاخۆ ڤه هێته دابینكرن، ئه‌ڤچه‌نده ژی جهێ دلخووشیێ یه و پالده‌ره بۆ سه‌ركه‌فتنا ڤێ قاره‌مانیێ و گوت: ئه‌ڤ قاره‌مانیه یا نوو یه ل ئیراقێ و كوردستانێ و باژێرێ زاخۆ ئێكه‌م جهه مێڤانداریا قاره‌مانیێ كه‌ت.
