باژێڕێ دهۆكێ دێ قارەمانیا بلیاردا كوردستانێ مێڤان كەت
شاهۆ فەرید:
چاڤەڕێ دهێتە كرن ل دەستپێكا حەفتییا بهێت باژێرێ دهۆكێ مێڤاندارییا قارەمانییا بلیارا كوردستانێ ل سەر ئاستێ یاریزانێن هەلبژارتیێن پارێزگەها بكەت ئەوا ژلایێ فدراسیۆنا بلیارا كوردستانێ ب هەڤكارییا فدراسیۆنا پارێزگەهێ یا هەمان یاری سەر ب لژنەیا ئۆلمپییا دهۆكێ ل هۆلا ئێسین هێتە كرن.
لدۆر ڤێ یەكێ ئەحمەد سەلاح جێگرێ سەروكێ فدراسیۆنا بلیاردێ ل پارێزگەها دهۆكێ بۆ رۆژنامەیا ئەڤرۆ گۆت: بڕیارە ل شەمبییا بهێت فەستیڤالەكا جوان یا قارەمانییا كوردستانێ بۆ یارییا بلیارێ ل سەر ئاستێ یاریزانێن هەلبژارتیێن پارێزگەهێن هەرێمێ ل هۆلا كافێیا ئیسین بهێتینەكرن، ئەڤ قارەمانیا دێ بۆ ماوەیێ دو رۆژا بەردەوام بیت، ب پشكداریا یاریزانێن پارێزگەهێن دهۆك، هەولێر، سلێمانێ و كەركووك، ل دووڤ بەرنامەیێ فدراسیۆنێ هەر سال ل باژێرەكێ یە، پشتی ڤەقەتیانا حەفت سالان دووبارە دێ هێتە ئەنجامدان، هەر پارێزگەهەكێ مافێ هەی هەتا هەشت یاریزانان پشكداربن كو سەرجەمێ وان دبینە 32 یاریزان.
هەروەسان ئەحمەد سەلاح گۆت ژی: دبیت یاریزانێن دهۆكێ زێدەتر بن چۆنكو دهێتە پێشبینیكرن یێن پارێزگەهێن دێ كێمتر بهێن، مە مافێ هەیی ئەگەر كێم بوون یاریزانێن خوە پشكدار بكەین، مە تیما خوە یا دهۆكێ گەلەك باشی بەرهەڤكریە دێ هەڤركیا ناسناڤی كەین، سوپاسیا دارا سەلاح دكەین كۆ سپونسەریا ئەڤێ قارەمانیێ كریە، یاریزانێن تیما مە ژ دهۆكێ و ئیدارا سەربەخویا زاخۆ و دەوروبەران هەمی خودان سەربۆر و ئەزموونن د ئەڤێ یاریێ دا.
