بایدن: ئسرائیل دێ ئێرشێن خوە راگریت
جۆ بایدن سەرۆکێ ئەمریکا د داخۆیانیەکێ دا بۆ دەزگەهێن راگەهاندنا ئەمریکا دیار کر، وان دەست ب بزاڤەکا نوو کرینە دا شەڕێ نها ل غەزە ب دووماهی بهێت، نها ژی دانوستاندن ل گەل ئسرائیلێ د بەردەوامن و ئیسرائیل یا رازیە د مەها رەمەزانێ دا هەموو ئێرشێن خوە راگریت.
سەرۆکێ ئەمریکا ئەو یەک ژی دیار کر، هەکە ئسرائیل ئێرشێن خوە راگریت ئەو یەک دێ رێ بۆ هندێ خوەش کەت دا حەماس ژی هەموو گرتیێن ئسرائیلێ ئازاد بکەت، وەکو ئەمریکا مە دڤێت هەموو گرتیێن د دەستێ حەماسێ دا بهێنە ئازاد کرن دا کار بۆ راگرتنا شەڕی و دەستپێکرنا قۆناغەکا نوو بکەین، ژ بۆ ڤێ یەکێ ژی دانوستاندنێن مە ل گەل ئسرائیلێ بەردەوامن و ئەنجامێن هەتا نها ژی جهێ دلخوەشیێ نە.
