بای و باڕۆڤەیێ 360 مریشك ل بامەڕنێ كوشتن
ئامێدیێ، مەحمود نهێلی:
ژ ئەنجامێ بای و باڕۆڤەیێ و بارینا بارانێن زۆر و بریسیا، 360 مریشكێن وەلاتیەكی ل گوندێ پاسێ یێ گرێدایی ناوچەداریا بامەرنێ ژناڤچوون و مرن.
ل دووڤ ئاخڤتا خودانێ وان ئەو با و باڕۆڤەیا ب هێز بوویە ئەگەرێ خڕابكرنا جهێ خودانكرنا مرێشكێن وی و گۆت: «ژ ئەنجامێ سەرمایێ و بارانێ، هەروەسا باڕۆڤەیێ پتر ژ 360 مریشكێن من مرینە».
ژ لایەكێ دیڤە ل ناوچەداریا مانگێشكێ بریسیێ ل كەرەكێ پەزی دا و نێزیكی 30 سەرێن پەزی مرین.
ڕێڤەبەرێ ناوچەداریا مانگێشكێ دیار كر، ل گوندێ ئۆزمانا ل سنوورێ ناوچەداریا وان، بریسیێ ل كەرەكێ پەزی دا و بوویە ئەگەرێ مراربوونا 27 سەرێن پەزی.
