براهیمێ عەلی گۆتە من مام نەترسە ئەگەر من و تە ب تنێ سەرهلدان كریە دێ كەین
دیدار، سالار محەمەد دۆسكی:
1 – 5
زیندانیێ سیاسی و پێشمەرگەیێ شۆڕەشا گولانا پێشكەفتنخواز، رەمەزان سەدیق خەلیل جانگیر بۆتی دۆسكی، برایێ شەش برا بوویە خێزانەكا كوردپەروەر و نشتیمان پەروەر رابوویە، و هەر حەفت برا پێشمەرگەیێن گولانێ بووینە ل گەل شەهید (محەمەد سالح بۆتی) بووینە، و ل سالا 1966 ل گوندێ بۆتیا ژ دایك بوویە، و خواندنا خوە یا سەرەتایی ل گوندێ لیناڤا هەتا قوناغا پێنجێ سەرەتایی خواندیە.
پێشمەرگەیێ شۆڕەشا گولانا پێشكەفتنخواز، رەمەزن سەدیق بۆتی، زێدەتر بۆ رۆژناما ئەڤرۆ گۆت: هەژمارەكا باش یا پێشمەرگەیێن ئیلۆنێ ل گوندێ بۆتیان هەبووینە، (حەجی، عەبدولرەحمان خەلیل، مەجید سلێمان، مكائیل خەلیل، مامێ سلێمان، مەجید سلێمان، حەمید سلێمان، تەیار سەدیق، خەلیل سەدیق، نەجمان سلێمان، گەلەكێن دی رەنگە بیرا من نینە، هێشتا ئەم زارۆك گەلەك جاران مە گوهداری یا مامێ خوە سلێمانی دكر، دەمێ بەحسێ كوردینیێ بوومە دكر، و ئەڤە بۆ دەسپێكەك هەستا كوردینیێ ل دەف مە زێدە بیت.
زیندانیێ سیاسی و پێشمەرگەیێ شۆڕەشا گولانا پێشكەفتنخواز رەمەزان بۆتی، گۆت: ل سالا 1977 برایێ من عیسا بۆتی ل گەل مەحمود ئێزدی پێشمەرگە بوو، ل گەل سەركردایەتی یا بەروەخت وی دەمی ئەم زارۆك بووین و رۆژەكێ دایكا من گۆت لەشكرێ ئیراقێ هاتیە و گوند دورپێچ كریە، هەمی زەلام كومكرنە حەوشا مامێ من و داخوازا ناسناما كر ژ برایێ من خەلیل سەدیق و ئێك ژ لەشكرێن ئیراقێ گازیكرە ئەفسەری ئەڤە عیسا سەدیقە و ئەفسەر هات ناسنامە ژێ وەرگرت و خواند و گۆت ئەڤە خەلیلە و گۆت هوون چەند برانە؟ مە گۆتێ ئەم حەفت براینە وی گۆت هوون هەر حەفت برا كۆمببن، و پرسیار ژ مەكرن كی خێزاندارە و برایێن خێزاندار دانە ئالیەكی و ئەز و برایێ من عەبدولسەلام داینە ئالیەكێ دی، و دوڤدا لەشكری لڤین كر و ئەم هەمی برا هاڤێتینە ترۆمبێلەكا لەشكری دا و ئیناینە ئەمنا دهۆك و خوە دەرهەمەك د بەریكا من دا نەبوو، دوڤدا گۆتە برایێن منێن خێزاندار هوون هەرنە مال و ئەز و برایێ منێ بچوویك عەبدولسەلام ئازاد نەكرین، برایێ مە خەلیل (10) دینار ژ بەریكا خوە ئینانە دەر و گۆت ئەڤە بۆ مەزاختیا هەوە و ئەوێ ئەمنێ شەقەكا هوسا برایێ مە خەلیل دا ئێكسەر ل سەر پێ خوە زڤری و پالەك پێرانا و قەسێن كرێت گۆتنێ و دەرئێخست و هەر وێرێ دەستێن مە و چاڤێن مە گرێدان و ئەم ئیناینە بنگەهێ پولیسان ل ناڤ بازارێ دهۆكێ و روژا دوڤدا ئەم ڕەوانەی قەزا سێمێلێ كرین، و بەردەوام پرسیارێن ژ مە دهێنەكرن و جارەكێ ئێكی زلەهەك ل مندا و گۆت بۆچی برایێ تە ناهێتە مال و پا ئەم هاتینە ڕەوانەكرن بۆ پارێزگەها مویسل، و دوڤدا هاتینە ڕەوانەكرن بۆ پارێزگەها (بابل) بن هندەك دارقەسپان و پشتی ئەم زیندانكرین مە گەلەك كورد خەلكێ دەڤەرا بەهدینان دناڤا زیندانان دا دیتن، و ئەز و برایێ خوە ل گەل موختارێ گوندێ مە یونس و ئێكێ باكوزی دگۆتنێ حەجی نەبی كو زارۆكێن وان ژی پێشمەرگە بوون و ئەو ژی دەستە سەركری بوون، ئەم ل گەل ئێك بووین و بتنێ مە ئەسمان دیت و ئاڤا مە یا گەرم بوو و گەلەك یا نەخوش بوو، و سالەك و شەش هەیڤان خوە ئێكی تشتەك ژ مە نەزانی و بابێ من گەلەك بزاڤكرن مە بینت، و ئێكێ با كوزی تەكیسەكا كرولا هەبوو و بابێ من گۆتێ هەرە هندی زیندانەك ل ئیراقێ هەبیت، لێ بگەرە و من كەرەكێ پەزی هەیە و دێ فرۆشم بتنێ تشتەكی ژ كورێن خوە بزانم و ئەو مرۆڤ ل هەمی زیندانێن ئیراقێ پرسیارا من و برایێ من دكر، و هەتا هاتیە بەردەرگەهێ زیندانا بابل ژی ئەوان گۆتێ كەسەك بڤی ناڤی ل زیندانێن مە دا نینە، و نەچار بوو ب دلێن شكەستی ڤە ڤەگەریا دهۆكێ و گۆتە بابێ من نە نەدیت و مام و بابێن من هزر ل دانانا تازیێ كر، چونكە سالەك و شەش هەیڤ دەربازبوون و هەر چ دەنگوباسێن مە نەبووینە، و گەلەك لێگەریان ژی كرن و بێ مفا بوو و حێبەتی مان و نوزانن چ بكەن، ئێكێ بەرواری بناڤێ مراد ل گەل مە زیندانێ بوو و مالا وی ل گەل ڤەركێ بوو و مە گۆتێ چ پارە مە نین و مراد گۆتە مە ئەز مام و خال و پسمامێ هەوە مە وی دەمی وی 300 دینار هەبوون، و 100 دینار دانە من و برایێ من گۆت مرادم مالا من یا گەڤەركێ ئەگەر تو بەری مە هاتیە ئازادكرن، پارێ من ڤەگەرینە و ئەگەر ئەم ئازاد نەبووین، پارە بۆ هەوە و گەردانا هەوە ئازا، هەتا سالەك و شەش هەیڤ دەربازبوون و برایێ من هاتیە خوارێ شەڤەكێ نێزیكی 12ی شەڤێ بوو، و ئەفسەرەك هات و ناڤێ من و برایێ من خواند گۆتن خوە بەرهەڤ بكەن دێ چنە مال، و پێشتر هەر دو هەڤالێن مە حەجی نەبی باكوزی و یونس بۆتی موختارێ گوندێ مە هاتبوونە ئازادكرن، بەری 15 رۆژا و ئەوا دەنگوباسێن ساخبوونا مە گەهاند بوونە بابێ من وان، و گەلەك كەیفا وان هاتبوو، و دوڤدا ئەم ئازادكرین و زیندان بۆ زیندانێ ژ بابل ئێكێ ئەم رادەستی یا دی دكرین هەتا ئەم گەهشتینە دهۆكێ، وی دەمی ئێك هەبوو بناڤێ عەلی باجلوری وی گەلەك حەز بابێ من دكر لەندروفرەك هەبوو، و ئەم گەهاندین و بهار بوو دەمێ كرنا بیستانا بوو و چەند گوندی ل دەردورێن مە كومبوون و مەجیدێ بابێ ئازاد گۆتە فەخریێ پسمامێ من هەرە مزگینیێ بدە مامێ من و بابێ من ناڤ بیستانی بوو، و پشتی نووچێ ئازاد بوونا مە گەهاندیێ بابێ من تەڤركەك د دەستی دا بوو، و ب تەڤرك ڤە كرە غار و هات و چەند خەلكێ مالا مە و هات خوە د من وەركر، و تەڤرك د دەستی دا ب سەرێ من كەفت و خوین د سەرێ من دا هاتە خوار و ئێكسەر بابی من ئاگەه ژ خوە نەما و كەفت، راستی ژیانا وێ زیندانێ گەلەك یا نەخوش بوو و بتنێ سەمونەك و ئافكەكا كولاندا دامە و بتنێ دا نەمرین و 100 زەلامێن خەلكێ بەهدینان تێدا هەبوون، و ژن ژی هەبوون جودابوون و دەمێ ئەم هاتینە دەستەسە ركرن باب و دایكا من ل دهۆكێ بوون، و هاتبوونە دەف نوژداری ئەگەر دا ئەوان ژی دەستەسەركەن و گەلەك پرسیارا وانكر و خەلكێ گوندی گۆتێ هەر دو نەخوشن و ل دهۆكێ نە.
