برایێ ئه‌ڤیندارێ من حه‌ز ژ من دكه‌ت
ئه‌ڤرۆ نيوز:
كچه‌كا 23 سالی دلێ خوه بو ئه‌ڤرو ڤه‌دكه‌ت و دبێژیت: ئه‌ڤه ساله‌كه ئه‌ز و گه‌نجه‌ك حه‌ز ژ ئێكدو دكه‌ین، وی سوزا دایه كو من بو خوه بخوازیت، به‌لێ ئاریشا من ئه‌وه برایێ وی یێ مه‌زن ژی گه‌له‌ك حه‌ز ژ من دكه‌ت و حه‌تا بخو گوتیه من، لێ من دل ل سه‌ر وی نینه و من گۆتیێ ژی كو من تو نه‌ڤێی، نزانم دێ چاوا ژ ڤێ ئاریشێ خلاس بم، ژبه‌ركو ئه‌ز نه‌شێم ڤی بابه‌تی نه بو خوشتڤیێ خوه نه‌ك ژی بو برایێ وی بێژم، د ترسم ئاریشه‌ك دناڤبه‌را وان دا په‌یدا ببیت و ئه‌ز ئه‌گه‌ر بم ئه‌ڤجا هیڤیه بو من رێیه چاره‌سه‌ریه‌كێ هوون چ دبێژن و ئه‌ز چ بكه‌م؟.
خانما هێژا:
ئه‌ڤ په‌یوه‌ندیه یا باش نینه و دێ سه‌رگێژیێ بو ته په‌یدا كه‌ت، حه‌تا هه‌كه تو و كورك گه‌له‌ك حه‌ز ژ ئێكدو ژی بكه‌ن، ژبه‌ركو ماده‌م برایێ وی حه‌ز ژ ته دكه‌ت و دل ل سه‌ر ته هه‌یه و هزرا ته دكه‌ت، ئه‌ڤه یا ب زه‌حمه‌ته، چونكی هه‌كه خوشتڤیێ ته روژه‌كێ ژ روژان بزانیت كو برایێ وی ژی حه‌ز ژ ته دكه‌ت، دێ دلێ وی ژ ته سار بیت و ته بخو نا خوازیت حه‌تا هه‌كه ته بخو بخوازیت ژی و ببیه هه‌ڤژینا وی و پشتی هینگێ ڤی تشتی بزانیت هوون د به‌خته‌وه‌ر نابن و ئاریشه دێ دناڤبه‌را هه‌وه‌دا په‌یدا بن و ره‌نگه بگه‌هیته رادێ به‌ردانێ ژی، چونكی ئه‌ڤ بابه‌ته د جڤاكێ مه دا د هه‌ستیارن و برا لده‌ف برای یێ پیروزه و حه‌تا ژنبرا بو تیێ خوه د مالێ دا وه‌كی خووشكێ یه، ژبه‌رهندێ باشتره یان تو په‌یوه‌ندیا خوه ب دووماهی بینی یان ژی راستیا بابه‌تی بو برایێ وی بێژه دا خوه ژ ته دوور بكه‌ت و تو ژی ئارام ببی.
به‌رسڤدان: ده‌روونناس ئاواز
گۆشا دلێ خۆ ڤه ل سه‌ر فه‌يسبۆكى
