برایێ ساروخان.. پێشمه‌رگه ژی كورێن رۆژاڤانه
رۆژا 27 ئیلۆنێ وه‌زیرێ به‌رگری یێ كانتۆنا جزیرێ ل رۆژئاڤایێ كوردستانێ ئه‌بدولكه‌ریم سارۆخان ژ مالیه‌را وه‌لاتی را راگه‌هاند: ئه‌و نه ئاماده نه كو مژارا ڤه‌گه‌را پێشمه‌رگه‌یێن رۆژئاڤا گۆتوبێژ ژی بكن. ئه‌و هێزه‌كێ ب ڤی ناڤی ناسناكن و گۆت:”ئه‌ڤ هێز نه هێزه‌ك ره‌وایه و ب سه‌ر ئیدكێ ڤه یه. چ هێز بخوازه وه‌ره رۆژئاڤا گه‌ره‌كه د بن ئالاییگێ ده شه‌ر بكه.. ”
به‌ری چه‌ند رۆژان وه‌زیرێ ده‌رڤه یێ تركیێ ئه‌حمه‌د داوود ئۆغلو ل پێشیا خوه‌نیشاده‌رێن تورك ل ئسته‌نبۆلێ گۆت: “به‌رامبه‌ری شه‌هیده‌كی مه تشته‌ك دلێ مه ره‌حه‌ت ناكه، ئه‌م دێ تێرۆریستان د كونێن وان دا بكۆژن و تنه بكن.. . تشه‌ك تنه ناڤێ وێ پرسا كوردی ل تركیێ كورد ژی وه‌ك هن یێكهاته‌یێن تركیێ نه هن كێشه‌یێن وان هه‌نه.. لێ كه‌سێن جودابوونێ ژ وه‌لات دخوازن ئه‌م ره‌حمێ ل وان ناكن. ”
دوژمنێ مه ب چ نه‌رینێ ل مه دنێره و ئه‌م ب چ نه‌رینێ ل هه‌ڤ دنێرن. ئارتێشا تركیێ، تركیێ دیارێزه و وه‌لاتێ مه ژی داگیر دكه، هه‌كه رێژیما تركیێ سلامی به ئان چه‌ی به ئان چبه بلا ئه‌و به.. ئارتێش نه ئارتێشا ته پارتیێ یه ئان رێژیمه‌كێ یه، ئارتێش ئارتێشا تركیێ یه …لێ ئایا ئه‌م ل گۆری دژمنێن خوه ئارتێشان ئاڤا دكن؟! رۆژئاڤایێ كوردستانێ ل یێشیا ده‌رفه‌ته‌ك مه‌زنه.. و د دۆخه‌ك وه‌ك دۆخا نها بلا كه‌س نه‌بێژه ئه‌ز ره‌وا مه و نه ره‌وا مه هه‌لبه‌ت رێخستنه‌ك ژ كاروبارێن له‌شكری را گرنگه و پاراستنا ئارامی و ئاسایشا هه‌رێمێن ئازاد كری، دبن بنگه‌ها ده‌سه‌لات و ئاڤاكرنا كو دێ د قوناخا پشتی ره‌وشا ئاوارته ده بێ.
د ڤێ ده‌ربارێ ده بلا كه‌س چاڤێن خوه ژ سه‌ركه‌فتن و قوربانیێن كو پیگێ و ییژێ كرن نه‌گره، هه‌ر دلۆپه‌ك خوینا شه‌هیدان ل رۆژئاڤایێ كوردستانێ پیرۆزه. لێ ژ ئالیه‌كی دن ڤه گه‌لێ كوردستانی ل رۆژئاڤایێ كوردستانێ پێویستی هه‌ر تاكه كه‌سه‌كی یه كو به‌رخوه‌دانێ د به‌ر رۆژئاڤا دا بكه.. ب چ هاویبه بلا ببه ب تایبه‌ت ئالیێ له‌شكری.
ژ به‌ر ڤێ یێویستیێ و گرنگیا ده‌رفه‌تا ل به‌ر ده‌ستێ مه، گه‌ره‌ك رێڤه‌به‌ریا خوه‌سه‌ر ئیرۆ ب ئه‌ركێ خوه یێ نه‌ته‌وی رابه، چنكو ئه‌و هێزا ل سه‌ر ئه‌ردێ یه و دكاره هه‌می هێزێن دن هه‌مبێز بكه بێیی كو گه‌له‌ك ژ ده‌سهه‌لاتا وێ ژی ژ ده‌ست بچه.
واته پێویستیا رۆژئاڤایێ كوردستانێ ب به‌ره‌یه‌ك نیشتمانی هه‌یه كو هه‌ر كه‌س جهێ خوه تێ دا ببینه. و داخۆیانیێن كو دبێژن پێشمه‌رگه‌یێن رۆژئاڤایێ كوردستانێ ب سه‌ر ئیدكێ ڤه نه. هه‌كه ب ڤێ نه‌رینێ ل ڤێ پرسێ وه‌ره نه‌رین مرۆڤ دكاره بێژه پیگێ ژی هێزا په‌ككێ ل رۆژئاڤا.
هه‌ریه‌ك ژ په‌ككێ و یه‌دكێ ئه‌م بخوازن نه‌خوازن باندۆر و رۆلا وان ل سه‌رانسه‌ری كوردستانێ هه‌یه.. لێ ب مه‌نتقێ كو رێڤه‌به‌ریا خوه‌سه‌ر به‌حس دكه گه‌ره‌كه هه‌می یێشمه‌رگه و گه‌ریلایێن باكۆر و رۆژهلاتێ كوردستانێ ل باشۆر نه‌مینن. هه‌كه په‌یه‌ده و رێڤبه‌ریا خوه‌سه‌ر ناخوازن پێشمه‌رگه‌یێن رۆژئاڤا ڤه‌گه‌رن. . ئێدی ئه‌ڤ پرس تێ كرن، ما شه‌ڕڤان ل شنگالێ چ دكن؟ ما گه‌ریلا ل كه‌ركووك و شنگالێ چ دكن؟ ما چما پێشمه‌رگه چوون كۆبانێ؟ هه‌كه رێڤه‌به‌ریا خوه‌سه‌ر دخوازه خوه‌سته‌كێن گه‌ل پێك بینه وه‌ك ئه‌و رۆژانه دبێژه، بلا ل شێوه‌یێ پێشوازیا گه‌ل ژ یێشمه‌رگه‌یان را بنه‌ره ده‌ما كو به‌رێ خوه دان كوبانێ، د وان دیمه‌نان ده خوه‌سته‌كێن گه‌ل باش دیار دبن.
خوه‌سته‌كا گه‌لێ مه ئه‌و كو ئه‌م ژی ببن خوه‌دی هێزه‌ك نه‌ته‌وی دۆر ژ ئادیۆلجیا ڤێ ئان وێ یارتیێ، هێزه‌ك كو هه‌می وه‌لاتیان بپارێزه و پرۆسه‌یا سیاسی و ده‌سه‌لاتداریێ بهێله ژ یارتی و هێزێن سیاسی را ئایا خوه‌ستكا گه‌ل دیاره یان نا.. . ؟ برایێ سارۆخان پێشمه‌رگه ژی خوه‌دیێ رۆژئاڤانه وه‌ك كو په‌یگێ ژی خوه‌دیێ شنگالێ نه.
