برلسکونی و گالیانی یانەکا دی یا ئیتالی کری
ئەڤرۆ نیوز:
سێلڤیو بێرلسکونی سەروکێ بەرێ یێ یانا ئەی سی میلان یا ئیتالی و جێگرێ وی ئەدریانو گالیانی گەھشتنە رێککەفتنێ بۆ کرینا یانەکا دی یا ئیتالی.
زێدەتر رۆژنامەیێن ئیتالی ئەڤرۆکە ئاشکرا کر کو برلسکونی و گالیانی ب فەرمی رێژەیا ٧٠% ژ پشکێن یانا مونزا یا پشکدار د خولا پلە سێ یا ئیتالی دا کریە و ٣٠% یا پشکێن مایی دێ بۆ سەروکێ نوکە یێ یانێ نیکولا کولومبو بن.
رۆژنامەیا کویێری دیللو سپورت ئەو چەندە ژی دیارکر کو پەیوەندیێن ناڤبەرا برلسکونی و گالیانی و خێزانا کولومبو یێن بلند بونە ئەگەر ھەردو لا رێککەفتنێ ل سەر ڤێ چەندێ بکەن و ھێشتا رێکاریێن قانوون ماینە بۆ ڤەگوھاستنا ٧٠% ژ پشکێن یانێ بۆ سەر ناڤێ برلسکونی لێ ل رۆژێن بھێت دێ ب فەرمی ئەڤ چەندە ھێتە راگەھاندن.
