برووسكە چیرۆك
ئەدیب عەبدولا
نە ل ژیانێ تێر دبم ، نە ژی ژ مرنێ د ترسم.
***
گەر ئارمانجا تە شكاندنا من بیت, پشتراست بە دێ تە ب راستیێن تە شەرمزاركەم.
***
گەر دەولەمەندا هەست ب ئازارێن هەژارا كربا دا هەر مینن دەولەمەند.
***
دەمێ بەختەوەری د دەستێ زالما دا بیت, نەشێن تاییا خۆ بدەنە مرۆڤی دێ چەوا شێن مرۆڤی ئارام كەن.
***
دناڤبەرا من و تە دا بتنێ ئەز وتو نە, نە با هەیە و نە هەناسە.
***
دەمێ ب پیا دچوو دزانی دێ پێنگاڤان بۆ كیڤە هاڤێت, دەمێ لسەر دەستا دبر نە دزانی دێ بوو كیڤە بەن.
***
سمائیلێ حەداد دگۆت: خاتینەكێ ئەز وەسا تێگەهاندم, دێ دەمەك هێت پارچەیێن هەر هەمی مرۆڤان ببەنە بەر ئێك مرۆڤەكێ مرۆڤ ژێ چێنابیت.
***
ئەز و بتنێ ئەز, من شولە ب «ئەم» نینە.
***
وەرن دا پێكڤە ئەزمانێ ژنا فەساد, گوهێ زەلامێ نە گوهدار ببڕین, دا چ خەلاتا نەبەم.
***
وی دگۆت: هەست ب هەناسا مرییان دكەم, قیژیێن زیندییان نا بهیسی.
