بریارا ره‌شكرنا جامێن ترۆمبێلا بتنێ د به‌رژه‌وه‌ندیا ده‌وله‌مه‌ندایه
ئه‌ڤرۆ نیوز، بارزان مزووری:
یوسف محه‌مه‌د، سه‌روكێ رێكخراوا ره‌وشه‌نبیری بۆ سلامه‌تی و رێگاوبان ل كوردستانێ بو ئه‌ڤرۆ نیوز گۆت: (بریارا وه‌زاره‌تا نافخۆ یا حكومه‌تا هه‌رێما كوردستانێ لدور ره‌شكرنا جامێن ترۆمبێلا بریاره‌ك دویر ژ به‌رژه‌وه‌ندیا چینا هه‌ژارا دایه بتنێ د به‌رژه‌وه‌ندیا ده‌وله‌مه‌ندا دایه ژبه‌ركۆ جیاوازی دروست دبیت دناڤبه‌را كه‌سێ هه‌ژارو ده‌وله‌مه‌ند كورێن به‌رپرسا بتنێ دشێن جامێن ترۆمبێلێن خۆ ره‌ش بكه‌ن به‌لێ سه‌دان گه‌نجێن هه‌ین كوره هه‌ژار دڤێت جامێن ترۆمبێلا خۆ ره‌ش كه‌ن به‌لێ ئه‌و پاره نینه كۆ بشێت جامێن ترۆمبێلێن خۆ ره‌ش بكه‌ت).
ناڤهاتی خویاكر ئه‌ڤه 27 ساله د حكومرانیێ دا هه‌رده‌م جه‌نابێ سه‌رۆكی گوتیه نابێت ترۆمبێل یا جام ره‌ش بیت جهێ دلخۆشیێ بۆ ل ده‌ف وه‌لاتیێن هه‌رێمێ به‌لێ د نها دا ژی پێتڤی بۆ ئه‌و بریار نه‌هات بۆ دان ئه‌ز وه‌ك سه‌رۆكێ رێكخراوێ ب په‌سه‌ندی نه‌زانی یه.
ناڤهاتی گۆت ئه‌ڤه 28 ساله پولیسێن مه یێن هاتن و چونێ و ده‌زگه‌هێن ئه‌منی ل سه‌ر رێكا لدوڤ ترۆمبێلا دگه‌رێن كۆ جام ره‌ش نه‌بن بۆچی ئه‌ڤرۆ ئه‌ڤ بریارا دژی یاسایێ كه‌فتیه د ناڤ یاسایێ دا، پشتی ئه‌ڤ بریاره كار پێ هاتیه كرن جه‌ندین كێشه دێ رۆیده‌ن ژبه‌ركۆ كه‌س نزانیت ئه‌و كیه دناڤ وێ ترۆمبێلێ دا راسته هه‌رێم د ئه‌منیه‌ته‌ك باش دایه به‌لێ ئه‌م جیرانێن عێراقێ ینه هه‌تا نها گه‌فێن رێكخراوا تیرۆرستی یا ل سه‌ر عێراقَێ هه‌ی چێنابیت بۆ كومكرنا داهاتی كومه‌له‌كا باشیا بكه‌ینه قوربانی.
