بریارا هاتنا خێزانێن داعشێ بۆ زومار هاتیه راوه‌ستاندن
ئه‌ڤرۆ نیوز، بارزان مزووری:
دكتورا خالیدا خه‌لیل نوونه‌را ئێزدیان ل په‌رله‌مانێ عێراقێ بۆ ئه‌ڤرۆ نیوز گۆت: (به‌ری نها چه‌ندین جارا بزاڤ دهاته كرن ژلایێ وه‌زاره‌تا كوچ كوچبه‌ران یا عێراقێ ئاسایشا نیشتیمانی كۆ ئه‌و خێزانێن داعش یێن ره‌گه‌ز عێراقی دناڤ كه‌مپا هول دا ل سوریا دژین بهێنه ڤه‌گوهاستن بۆ عێراقێ به‌لێ ژبه‌ر جه‌ند ئه‌گه‌ران رێك ل وان بزاڤا دهات گرتن به‌لێ دوماهیێ بریار هات دان كۆ 31 هزارۆ 400 خێزان بهێنه ڤه‌گوهاستن بۆ دوو كه‌مپێن ل باكورێ نه‌ینه‌وا كه‌مپا جه‌دعه 1_2 به‌لێ ژبه‌ر رێگریا عه‌ره‌بێن وێ ده‌ڤه‌رێ وه‌زاره‌تا كوچ كوچبه‌ران بریار دا كه‌مپه‌ك مه‌زن ل ده‌ڤه‌را زومار بهێت دروست كرن ئه‌و خێزان هه‌موو دناڤ وێ كه‌مپێ دا بهێنه ڤه‌حه‌واندن).
ناڤهاتیێ خویاكر ب هه‌موو ره‌نگا ئه‌م دژی بریارا وه‌زاره‌تا كوچ كوچبه‌رێن عێراقێ ینه بۆ ئینانا خێزانێن داعش مه ب رێكا نڤیساره‌كا فه‌رمی دگه‌ل ئیمزایێن 33 په‌رله‌منتارێن عێراقێ ئه‌وێن نوێنه‌راتیا خه‌لكێ نه‌ینه‌وا دكه‌ن بۆ وه‌زاره‌تا كوچ كۆچبه‌ران و ئاسایشا نیشتیمانی یا كری كۆ كار ل سه‌ر دروست كرنا وێ كه‌مپێ نه‌هێته كرن د نها دا ژی كار هات راوه‌ستاندن.
خالیدا خه‌لیل ئەو یەک ژی دیار کر ئه‌ڤه پێنج ساله ئه‌و خێزان دناڤ ڤێ كه‌مپێ دانه لدوڤ دلێ خۆ هه‌موو هاتینه راهێنان كرن و مێشكێ وان هاتیه شویشتن هه‌ر وه‌خته‌كێ ئه‌وان خێزانا ده‌لیڤه بۆ وان په‌یدابۆ دێ كریارێن تیرۆرستی ئه‌نجام ده‌ن ژبه‌ر وێ چه‌ندێ هاتنا وان بۆ ده‌ڤه‌را زومار مه‌ترسیه‌كا مه‌زنه بۆ عێراقێ بۆ كوردستانێ ژی ژبه‌ركۆ رێژا وان زێده‌تری وان چه‌كدارایه یێن نه‌ینه‌وا ئێخستیه لبن ده‌ستهه‌لاتا خۆ.
نوونه‌را ئێزدیان ل په‌رله‌مانێ عێراقێ گۆت ژی سه‌رجه‌مێ وان خێزانێن دناڤ كه‌مپا هول دا ل سوریا 70 هزار كه‌سن 31 هزارو 400 كه‌س ره‌گه‌ز عێراقی نه ئه‌وێن ره‌گه‌ز عێراقی بریار بۆ هه‌موو ڤه‌گه‌رنه ده‌ڤه‌را زومار.