بریارا ھنارتنا پارێ گەنمێ جۆتیارێن ھەرێما کوردستانێ ھاتە دان
ئەڤرۆ نيوز:
پەرلەمانتارەکا کورد ل عیراقێ دیار کر کو دوھی 27ى تيرمه‌هێ وەزارەتا بازرگانی یا عیراقێ و لیژنا بلندا بازرگانیا بەرھەمێ جۆتیاران گەنگەشە ل دۆر پارێ جۆتیاران کر و بریار ھاتە دان کو ئەو پارە بۆ بھێتە مەزاختن.
ئەشواق جاف ئەنداما پەرلەمانێ عیراقێ بۆ رۆژناما ئەڤرۆ دیار کر کو بریار ھاتیە دان ئەو جۆتیارێن بەرھەمێن خوە یێن گەنمێ سالا بۆری رادەستی سایلۆیان کری کو پارێ پارێ وان بھێتە مەزاختن ب تایبەت جۆتیارێن ھەرێما کوردستانێ و گۆت “د بریارێ دا دیار کریە کو پارێ وان جۆتیاران ب لەز بھێتەدان”.
پەرلەمانتارا کورد دیار کر ژی کو وەزارەتا بازرگانیا عیراقێ یا بەرھەڤە پارێ جۆتیاران ل ڤان نێزیکان بمەزێخیت و چاڤەرێ وەزارەتا دارایی نە تایبەت یێن جۆتیارێن ھەرێما کوردستانێ و گۆت “ل دوماھیا گەنگەشێ بریار ھاتە دان کو پرۆسا وەرگرتنا گەنمێ جۆتیاران یێ ئەڤ سالە ب تمامی ل 31 تيرمه‌هێ بھێتە راوەستاندن” .