بریتانیا: ئێرشێن مە ل دژی حوسییان دێ بەردەوام بن
وەزارەتا دەرڤە یا بریتانیا د داخۆیانیەکێ دا راگەهاند کو حوسیێن یەمەنێ جارەکا دی ئێرشی گەمیەکا وان کرینە و زیانەکا مەزن گەهشتیە گەمیا بازرگانی یا بریتانیا، ژ بەر ڤێ یەکێ ژی وەکو بریتانیا ئەو دێ ل گەل ئەمریکا پێکڤە دەست ب ئێرشێن نوو ل دژی حوسییان کەن، چونکی مەترسیا حوسییان ل سەر دەریا سۆر رۆژ ب رۆژێ زێدەتر دبیت و دەم یێ هاتی ئێدی سنۆرەک بۆ حوسییان ل دەریا سۆر بهێتە دانان.
وەزارەتا دەرڤە یا بریتانیا ئەو یەک ژی دیار کریە، مخابن حوسی ب چەکێ ئیرانێ رۆژ ب رۆژێ دبنە مەترسی ل سەر دەریا سۆر، ژ بەر ڤێ یەکێ ژی دڤێت د ئاستێ نێڤدەولەتی دا کار بۆ لاوازکرنا حوسییان بهێتە کرن، چونکی حوسی ب چەکێ پێشکەفتی یێ ئیرانێ بەردەوام ئێرشی گەمیێن بازرگانی ل دەریا سۆر دکەن.
