بریتانیا حەفت وەلاتیێن ئیرانێ دەستەسەر کرن
بەرپرسەکێ پۆلیسێن بریتانیا راگەهاند، کو وان زانیاری هەبووینە هەشت کەسان دڤێت ل هندەک جهان ل بریتانیا کریارێن تیرۆرستی ئەنجام بدەن و هێزێن پۆلیسان هەر هەشت کەس دەستەسەر کرینە کو حەفت ژ وان کەسان وەلاتیێن ئیرانێ نە.
هەمان بەرپرسی ئەو یەک ژی دیار کریە، وان دەست ب ڤەکۆلینان کرینە دا بزانن کا مەرەما وێ گرۆپێ چوو بوویە و بۆچی وان دڤیا ل هندەک جهێن گشتی یێن بریتانیا کریارێن تیرۆرستی ئەنجام بدەن و بێگومان وەکو هێزێن ئێمناهیێ یێن بریتانیا ئەو دێ یا پێدڤی بۆ پاراستنا وەلاتیێن خوە کەن.
ئەو یەک د دەمەکێ دایە کو بەری نها سویدێ و هندەک وەلاتێن دی یێن ئۆرۆپا ژی چەندین وەلاتیێن ئیرانی ب تۆمەتا کار بۆ ئەنجامدانا کریارێن تیرۆرستی ل وەلاتێن خوە دەستەسەر کربوون و ئیرانێ ژی ئەو تۆمەتە رەتکربوون.
