بریتانیا: دڤێت مەترسییا حوسییان ل سەر دەریا سۆر نەمینیت
وەزارەتا دەرڤە یا بریتانیا دوهی راگەهاند کو بەری دو رۆژان هێزێن وان و ئەمریکا جارەکا دی ئێرشی چەندین پێگەهێن حوسییان ل یەمەنێ کرینە و ب دەهان بنگەهێن وان ژناڤبرینە، ئێرشێن ل سەر حوسییان دێ بەردەوام بن، چونکی مەترسیا حوسییان ل سەر دەریا سۆر هەیە و دڤێت مەترسیا حوسییان ل سەر دەریا سۆر نەمینیت.
وەزارەتا دەرڤە یا بریتانیا ئەو یەک ژی دیار کریە، ئەو ل گەل ئەمریکا د هەماهەنگیەکا تەمام دانە، هەکە دیسان حوسیێن یەمەنێ بخوازن ل دەریا سۆر ئێرشی گەمیێن بازرگانی بکەن دێ ڤێجارێ ئێرشێن ل سەر حوسییان گەلەک دژوارتر بیت، باشترە ئێدی حوسیێن یەمەنێ دەست ژ ئێرشێن خوە یێن ل سەر گەمیێن بازرگانی بەردەن، چونکی ئەو یەک مەترسیەکا گەلەک مەزن بۆ هەموو جیهانێ دروست دکەت.
