بریتانیا ل دژی كه‌فتنا رژێما ئیرانێ یە
ئەڤرۆ نیۆز ، زنار تۆڤی:
خۆنیشاندانێن جه‌ماوه‌ری ل پتریا شار و شارۆچكێن ئیرانێ بۆ گوهۆرینا سیسته‌مێ سیاسی و ده‌ستهەلاتێ ل وی وەلاتی بەرفرەهتر بووینە و ئه‌مریكا ژی جه‌خت ل جێبه‌جێكرنا داخوازیا خۆنیشانده‌ران دكەت،بەلێ چاڤدێرێن سیاسی دبێژن بریتانیا بۆ پاراستنا به‌رژەوه‌ندیێن خۆ، نەڤێت رژێما نوکە یا ئیرانێ بكه‌ڤیت.
دۆنالد تره‌مپێ سه‌رۆكێ ئه‌مریكا د توویتەکێدا ل تۆرا كۆمه‌لایه‌تی یا توویته‌ری دا بەلاڤکریە،کو گه‌لێ ئیرانێ داخوازا گوهۆرینان دکەن و جه‌ختکرنێ ل ئازادی و سه‌قامگیریێ دکەن.
چاڤدێرێن سیاسی دبێژن، بریتانیا ل به‌رامبه‌ر خۆنیشاندانێن گه‌لێ ئیرانێ هه‌مان رۆلێ سالا 1951 تا 1953 دگێریت و دەمێ کو محه‌مه‌د موسه‌دەق بۆ دویەم جار هاتیە هه‌لبژارتن،لێ بریتانیا پشتگیری ل شاه ره‌زای كر و پرۆسا ئه‌جاكس كو د پلانەكێدا محه‌مه‌د موسه‌دق هاتە رەڤاندن.
لدووڤ چافدێرێن سیاسی، باشترین ئه‌و كارێن کو محه‌مه‌د موسه‌دەقی د ژیانا سیاسیی یا خۆ دا ئه‌نجام دای،ب خۆمالیكرنا كه‌رتێ نه‌فتێ بوو ب رێیا ئه‌نجلۆیا ئیرانی،کو پێشتر ل سالا 1913 بریتانیا ده‌ست ب سه‌ردا گرتبوو.
چاڤدێرێن سیاسی دبێژن ب ئەگەرێ سیاسه‌تا خۆمالیکرنا نه‌فتێ،ژلایێ بریتانیاڤه ب هەڤكاریا شاه ره‌زای، كوده‌تا ب سه‌ردا كر و ل 19-8-1953 ژ پۆستێ وی هاتە دوورخستن و د نوکە دا ب ئەگەرێ به‌رژەوه‌ندیێن بریتانیا ناخوایت ئه‌ڤ رژێما نوکە یا ئیرانێ بروخیت و تا نوکە هیچ كارڤەدانەک نه‌بوویه.
ماوێ پێنج رۆژانە ل زۆربە‌یا شار و شارۆچكێن ئیرانێ خۆنیشاندان کرینە، جه‌ماوه‌ری ل دەستپێکێ دا ل دژی گه‌نده‌لیێ و نه‌بوونا كاری ب هه‌ده‌ردانا سامانێن گشتی ده‌ست ب خۆنیشاندانان كریە، بەلێ ل ڤێ دوماهیێ دروشمێن وان هاتینە گوهۆرین بۆ روخاندنا رژێما نوکە و ڤەگه‌ریان بۆ سه‌رده‌مێ په‌هلەوی.
