بریسیه‌كێ پەخشێ تەلەفزیونەکێ راگرت
ئه‌ڤرۆ، نه‌وزاد هلۆری:
ژ ئه‌گه‌رێ بریسیه‌كا بهێز ب كوژمێ نێزیكێ هەڤدە هزار دۆلاران زیان گه‌هشتنە كه‌نالێ پێشمه‌رگه ل شێلادزێ و په‌خشێ كه‌نالی ژی هاته راگرتن.
ئازاد محه‌مه‌د، رێڤه‌به‌رێ كه‌نالێ پێشمه‌رگه بۆ ئه‌ڤرۆ گۆت: (ژ ئه‌گه‌رێ بریسیه‌كا بهێز كو ژ تاوه‌رێ نێزیك لژنا كولان كه‌فتیه سه‌رجه‌م كه‌لوپه‌لێن كه‌نالێ مه كه‌نالێ تێله‌ڤزیوونا پێشمه‌رگه ژ ناڤبرن وه‌كو ئامیر، لاپتوب و تاوه‌ر و هه‌ر تشته‌كێ دن یێ كه‌نالی، زێده‌باری زیانێن ماددی هه‌ڤده‌م په‌خشێ كه‌نالی ژی هاتیه راگرتن).
زێده‌تر گۆت: (كه‌نالێ پێشمه‌رگه ئه‌ڤه پتری پێنج ساله هاتیه دانان و د بوری دا شیایه خزمه‌ته‌كا باش بۆ ده‌ڤه‌رێ بكه‌ت، ژبه‌ركو خه‌لكه‌كێ زۆر پێڤه هاتیه گرێدان، دێ جاره‌كا دی كار ل سه‌ر دووباره چێكرن و دانانا كه‌نالی كه‌ین، به‌لێ ئه‌ڤێ یه‌كێ ژی ده‌م و پشته‌ڤانیه‌كا ماددی پێدڤێت).
